رووداو دیجیتاڵ
پارتی فوئاد حوسێن و رێباز حەملان و یەکێتی خالید شوانی بۆ ئەو وەزارەتانە بەربژێر کردووە کە لە حکومەتی نوێی عێراقدا پێیان دەدرێت، هەروەها سروە عەبدولواحید بەربژێری نەوەی نوێیە بۆ پۆستی وەزیری ژینگە.
بەگوێرەی زانیارییەکانی تۆڕی میدیایی رووداو، پارتی دیموکراتی کوردستان فوئاد حوسێنی بۆ پۆستی وەزیری دەرەوە بەربژێر کردووەتەوە، هەروەها رێباز حەملان، بۆ پۆستی وەزیری ئاوەدانکردنەوە و نیشتەجێبوون بەربژێر کردووە.
پارتی سێ پۆستی لە کابینەی حکومەتەکەی عەلی فالح زەیدی بەردەکەوێت، جگە لەو دوو وەزارەتە، پۆستی جێگری سەرۆکوەزیرانیشی بەردەکەوێت.
پێنجشەممە 14ی ئایاری 2026، پەرلەمانی عێراق بۆ دەنگدان بە بەرنامە و کابینەی نوێی حکومەتی عێراق کۆدەبێتەوە.