رووداو دیجیتاڵ
میدیای پۆرتوگال هەواڵێکی ناخۆشی بۆ یانەی نەسڕ و کریستیانۆ رۆناڵدۆ بڵاوکردەوە و ئەگەری هەیە راهێنەری یانەکە لە کۆتایی ئەم وەرزەدا لە یانەکە بڕوات.
رۆژنامەی ئابۆلای پۆرتوگالی دەڵێت "خۆرخی جیسۆس، راهێنەری پۆرتوگالی و یانەی نەسڕ لە کۆتایی ئەم وەرزەدا لە یانەکە دەڕوات، ئەو پێیوایە ئێستا کاتێکی گونجاوە بۆ ئەوە لە یانەکە بڕوات و لە کۆتایی وەرزدا سعودیە بەجێدەهێڵێت".
سەرچاوەکە دەڵێت "جیسۆس دوای یاریی کۆتایی چامپیۆنزلیگی دووەمی ئاسیا بڕیارەکەی رادەگەیێنێت".
ئابۆلا لەبارەی وێستگەی داهاتووی راهێنەرە پۆرتوگالییەکەوە دەڵێت "جیسۆس لە کۆتایی ئەم مانگەدا لەگەڵ کارگێڕیی یانەی فێنارباخچەی تورکی کۆدەبێتەوە، یانەکە دەستەوارەیەکی گەورەی بۆ ئەو راهێنەرە ئامادەکردووە و ئامادەیە 15 ملیۆن یۆرۆ وەکو مووچەی ساڵانە بداتە ئەو راهێنەرە، کە ئەگەر ئەمە بکرێت دەبێتە گرانترین گرێبەستی ئەو راهێنەرە لە کاروانی راهێنەرایەتیکردنیدا".