رووداو دیجیتاڵ
سەرۆکوەزیرانی هەرێمی کوردستان سەرکۆنەی هێرشەکانی سەر ناوچە سڤیلەکان و کۆنسووڵخانەی ئەمریکا لە هەولێر دەکات و دەڵێت، "قبووڵنەکراوە."
ئەمڕۆ یەکشەممە 5ی نیسانی 2026 مەسرور بارزانی، سەرۆکوەزیرانی هەرێمی کوردستان لە پەیامێکدا رایگەیاند، "بە تووندی سەرکۆنەی ئەو هێرشە قێزەونانەی میلیشیا تیرۆریستەکان دەکەم کە کۆنسووڵخانەی گشتیی ئەمریکا و ناوچە سڤیلەکانیان لە هەولێر کردووەتە ئامانج."
لە بەشێکی دیکەی پەیامەکەیدا سەرۆکوەزیرانی هەرێمی کوردستان ئاماژەی بەوە کردووە، "ئەم دەستدرێژییە ئەنقەستانە هەڕەشەیەکی جیددی و مەترسیدارن بۆ سەر ئاسایش و سەقامگیریی هەرێمی کوردستان، عێراق و ناوچەکە بەگشتی. ئەمە کارێکی قبووڵنەکراوە."
هاوکات مەسرور بارزانی دەشڵێت، "جارێکی دیکە بە راشکاوی داوا لە حکومەتی فیدراڵ لە بەغدا دەکەم کە هەنگاوی دەستبەجێ، یەکلاکەرەوە و کردەیی دژی ئەم گرووپە چەکدار و میلیشیا لە یاسا دەرچووانە بنێت.
بابەتی پەیوەندیدار
کوردستان28/04/2026
وەزارەتی ئەوقاف: جەژنی قوربانی پیرۆز 26 یان 27ی ئایار دەبێت
کوردستان28/04/2026
دوو کەس لە پارێزگای ورمێ بە رووداوی هاتووچۆ گیانیان لەدەستدا
"
لە کۆتایی پەیامەکەیدا سەرۆکوەزیرانی هەرێمی کوردستان جەخت لەوە دەکاتەوە، ئەرکی حکومەتی فیدراڵە هەموو هۆکار و تواناکانی بەکاربهێنێت بۆ رێگریکردن "لەم هێرشە تیرۆریستییانە و پەلکێشکردنی بەرپرسانی ئەم هێرشانە بۆ بەردەم دادگا."
لە سەرەتای جەنگی نێوان ئەمریکا و ئیسرائیل لەگەڵ ئێران، هێرشەکان بۆسەر هەرێمی کوردستان دەستیپێکرد، تاوەکو ئێستاش زیاتر لە 500 هێرشی مووشەکی و درۆنی کراوەتە سەر هەولێری پایتەخت، سلێمانی، دهۆک و شار و ناوچە جیاوازەکانی دیکە. بەهۆی هێرشەکانیشەوە 14 شەهید و دەیان بریندار و زیانی مادیی زۆریش کەوتووەتەوە.