رووداو دیجیتاڵ
بەڕێوەبەرایەتیی ئاسایشی هەولێر دەستگیرکردنی باندێکی دزیی راگەیاند، کە لە شاری هەولێر رێگرییان لە خاوەن نووسینگەیەکی ئاڵوگۆڕی دراو کردبوو و هەوڵیان دابوو بە هەڕەشەی چەک پارەی لێ بستێنن.
رۆژی یەکشەممە، 12ـی نیسانی 2026، بەڕێوەبەرایەتیی ئاسایشی هەولێر لە راگەیێندراوێکدا بڵاویکردەوە، بە فەرمانی دادوەری لێکۆڵینەوەی ئاسایشی هەولێر باندێکی دزیکردنیان دەستگیر کردووە کە پێکهاتوون لە چوار تۆمەتبار بە ناوەکانی ( م ، ب ، ع )، ( س ، م ، ب )، ( ع ، م ، ئـ ) و ( ع ، م ، ئـ ).
لەبارەی وردەکاریی کارەکەیان، ئاسایشی هەولێر دەڵێ: "تۆمەتبارەکان هەڵسابوون بە رێگری و هەڵکوتانە سەر هاووڵاتییەک لە شاری هەولێر کە نووسینگەی ئاڵوگۆڕی دراوی هەیە؛ دوای ئەوەی چاودێریی هاووڵاتییەکەیان کردووە، لەکاتی گەڕانەوەی بۆ ماڵەوە رێگرییان لێکردووە و لەژێر هەڕەشەی بەکارهێنانی چەکدا هەوڵیان داوە پارەکانی لێ وەربگرن".
بابەتی پەیوەندیدار
کوردستان28/04/2026
وەزارەتی ئەوقاف: جەژنی قوربانی پیرۆز 26 یان 27ی ئایار دەبێت
کوردستان28/04/2026
دوو کەس لە پارێزگای ورمێ بە رووداوی هاتووچۆ گیانیان لەدەستدا
لە راگەیێندراوەکەدا هاتووە: "دەستبەجێ لەلایەن هێزەکانمانەوە دەستگیر کران."
بەڕێوەبەرایەتیی ئاسایشی هەولێر لە کۆتایی راگەیێندراوەکەدا سوپاسی هاووڵاتیانی کرد کە هاوکار بوون لە پێدانی زانیاری بە هێزە ئەمنییەکان.