رووداو دیجیتاڵ
کۆمپانیای دانەگاز رایگەیاند، دوای ئەوەی لە ماوەی چەند هەفتەی رابردوودا بەرهەمهێنانیان وەستاندبوو، لە کێلگەی کۆرمۆر دەستیان بە بەرهەمهێنانی گاز کردووەتەوە.
لە راگەیێندراوێکدا کە ئەمرۆ دووشەممە بڵاویکردووەتەوە، دانەگاز دەڵێت: لەو ماوەیەدا بە ئاگاداری حکومەتی هەرێمی کوردستان، بە وریاییەوە مامەڵەیان کردووە، بە چەشنێک سەلامەتی ستافی کۆمپانیاکەیان لە پێش هەموو شتێکەوە داناوە.
لە دوای دەستپێکی شەڕی ئێران لە 28 ـی مانگی شوباتی 2026، کۆمپانیای دانەگاز وەک رێوشوێنی خۆپاراستن، بەرهەمهێنانی گازی لە کۆرمۆر وەساتاندبوو.
بابەتی پەیوەندیدار
کوردستان28/04/2026
وەزارەتی ئەوقاف: جەژنی قوربانی پیرۆز 26 یان 27ی ئایار دەبێت
کوردستان28/04/2026
دوو کەس لە پارێزگای ورمێ بە رووداوی هاتووچۆ گیانیان لەدەستدا
دانەگاز لەڕێگەی پرۆژەی کۆرمۆر 250ـەوە ئاستی بەرهەمهێنانی گازی ساڵی رابردوو بەرزکردەوە بۆ زیاتر لە 750 ملیۆن پێ سێجا.
جگە لە گازی سرووشتی، کۆمپانیاکە لە کێلگەی کۆرمۆر پێش شەڕی ئێران رۆژانە 1500 تۆن گازی شل و 15 هەزار بەرمیل گازی کۆندێنسەیتی بەرهەمدەهێنا.
وەستانی بەرهەمهێنان لە کێڵگەی کۆرمۆ لە چەند هەفتەی رابردوودا بووە هۆکار بۆ سەرهەڵدانی تەنگژەی گازی شلی ماڵان.