رووداو دیجیتاڵ
لە ئەنجامی پێکدادانی ئۆتۆمبێلێکی تایبەت و بارهەڵگرێک لەسەر رێگەی نێوان شنگال و تەلەعفەر، سێ ئەندامی خێزانێک گیانیان لەدەستدا و کەسێکی دیکەش بریندار بوو.
ئەلیاس قیرانی، کەسوکاری خێزانەکە و موختاری گوندەکەیان، ئەمڕۆ سێشەممە 14-4-2026 بە تۆڕی میدیایی رووداوی راگەیاند، خێزانەکە لە کاتی گەڕانەوەیان لە سەردانی گۆڕستان لە ئێوارەی جەژنی سەری ساڵی ئێزدییاندا تووشی رووداوەکە بوون. ئۆتۆمبێلەکەیان خۆی بە بارهەڵگرێکدا کێشاوە و لە ئەنجامدا سێ کەسیان گیانیان لەدەستداوە و تەرمەکانیان رەوانەی پزیشکی دادی مووسڵ کراون.
بەپێی زانیارییەکان، لە رووداوەکەدا مەحموود نافخۆش، حەنیفە نافخۆشی خوشکی و کچەکەی مەحموود گیانیان لەدەستداوە. هەروەها نادیە جاسم، هاوژینی مەحموود، بریندار بووە و ئێستا تەندروستیی جێگیرە.
بابەتی پەیوەندیدار
کوردستان28/04/2026
وەزارەتی ئەوقاف: جەژنی قوربانی پیرۆز 26 یان 27ی ئایار دەبێت
کوردستان28/04/2026
دوو کەس لە پارێزگای ورمێ بە رووداوی هاتووچۆ گیانیان لەدەستدا
ئەم خێزانە ئاوارەی کەمپی شاریا بوون لە سنووری پارێزگای دهۆک و بە مەبەستی سەردانی گۆڕی کەسوکاریان چووبوونە گۆڕستانی سکێنییە لە باشووری شنگال.
لەو خێزانەدا دایکەکە و کوڕێکی تەمەن 6 ساڵان لە ژیاندا ماون، کە لە کاتی رووداوەکەدا لەگەڵیاندا نەبووە.