رووداو دیجیتاڵ
بەراورد بە دوێنێ، نرخی کیلۆیەک تەماتە نزیکەی هەزار دینار دابەزی. سەرۆکی ئەنجوومەنی عەلوەی هەولێر دەڵێ، لە ماوەی یەک هەفتەدا نرخەکەی وەکو پێشتر ئاسایی دەبێتەوە.
رۆژی پێنجشەممە، 16ـی نیسانی 2026، رەجەب حاجی عەزیز، سەرۆکی ئەنجوومەنی عەلوەی هەولێر بە تۆڕی میدیایی رووداوی گوت: "کیلۆیەک تەماتە لە عەلوە ئەمڕۆ بە نزیکەی 1500 دینار دەفرۆشرێت".
دوێنێ نرخی کیلۆیەک تەماتە لە عەلوەکان گەیشتە نزیکەی 2500 دینار.
بابەتی پەیوەندیدار
کوردستان28/04/2026
وەزارەتی ئەوقاف: جەژنی قوربانی پیرۆز 26 یان 27ی ئایار دەبێت
کوردستان28/04/2026
دوو کەس لە پارێزگای ورمێ بە رووداوی هاتووچۆ گیانیان لەدەستدا
سەرۆکی ئەنجوومەنی عەلوەی هەولێر ئاماژەی بەوەکرد: "ئەمڕۆ 40 بارهەڵگر تەماتە هاتووە و کڕیار کەمە، دوێنێ هەشت بارهەڵگر هاتبوو، بابەتەکە زیاتر خواست و خستنەڕووە".
بەگوتەی رەجەب حاجی عەزیز: "لە ماوەی یەک هەفتەی داهاتوو نرخی تەماتە زیاتر دادەبەزێت و دۆخەکە وەکو پێشتری لێ دێتەوە".
ئێستا بەرهەمی نێوخۆی تەماتە لە هەرێمی کوردستان پێنەگەییوە و ئەوەی هەیە هاوردە دەکرێ، کە زۆرینەی لە ئێرانەوە دەهێندرێت.