رووداو دیجیتاڵ
وەزارەتی ئەوقاف و کاروباری ئایینیی هەرێمی کوردستان رایگەیاند، گەشتی حەجی ئەم ساڵ بە رێگەی وشکانی دەبێت. گوتەبێژی بەڕێوەبەرایەتی حەج و عومرە دەڵێت، دەستەی حەجی عێراقی خەمڵاندن بۆ جیاوازی نرخەکان دەکات و ئەوان قەرەبووکردنەوەی حاجیان دیاری دەکەن.
رۆژی پێنجشەممە، وەزارەتی ئەوقاف و کاروباری ئاینی رایگەیاند: "ئەم ساڵ حاجییانی كوردستان به رێگهی وشكانی گهشت دهكهن".
وەزارەتەکە دەڵێت: "له پێناو بهرژهوهندی گشتی و گهرهنتی چوونی حاجییانی كوردستان بۆ سعودیه، به هاوئاهەنگی لهگهڵ دهستهی باڵای حهج گهیشتنیه رێككهوتن، كه گهشتی حهجی ئهم ساڵ هاوشێوهی حاجییانی عێراق تهنیا به رێگهی وشكانی دهبێت".
بابەتی پەیوەندیدار
کوردستان28/04/2026
وەزارەتی ئەوقاف: جەژنی قوربانی پیرۆز 26 یان 27ی ئایار دەبێت
کوردستان28/04/2026
دوو کەس لە پارێزگای ورمێ بە رووداوی هاتووچۆ گیانیان لەدەستدا
کاروان ستوونی، گوتەبێژی بەڕێوەبەرایەتیی گشتیی حەج و عومرەی هەرێمی کوردستان، ئەمڕۆ پێنجشەممە بە تۆڕی میدیایی رووداوی گوت: "پار قەرەبووی ئەو حاجیانە کرایەوە ناچاربوون لە وشکانییەوە بگەڕێنەوە، ئەم ساڵیش دەستەی حەجی عێراقی خەمڵاندن بۆ نرخەکان دەکات، چونکە ئەوان گرێبەستیان کردووە و دەتوانن بڕی قەرەبوو دیاری بکەن، بۆ ئەوانەی پارەی گەشتی ئاسمانییان داوە".
بڕیارە سەرەتای مانگی داهاتوو ئەو کەسانەی ناویان بۆ چوونە سعودیە بۆ رێوڕەسمەکانی حەج گەڕاوەتەوە گەشتەکەیان بکەن. وەزارەتی ئەوقاف رایگەیاندووە: "به هاوئاهەنگی لهگهڵ دهستهی باڵای حهج و عومرهی عێراق، شێواز و رێککارەکانی چوونی حاجیانی كوردستان رێكدهخرێت و بڵاو دهكرێتهوە".
5120 کەس ئەم ساڵ ناویان گەڕاوەتەوە بچنە حەج. گوتەبێژی بەڕێوەبەرایەتیی حەج و عومرە دەڵێت، ڤیزە هەموو ئەوانە گەڕاوەتەوە کە دەچنە حەج و زۆرینەی ئامادەکارییەکانی دیکەیان تەواو کراوە.