رووداو دیجیتاڵ
ئەمڕۆ هەینی، لە گەڕەکی فەرمانبەرانی شاری هەولێر، دوو برا کوژران و تاوەکو ئێستاش هۆکاری کوژرانەکەیان نەزانراوە.
سەرچاوەیەکی باڵا و ئاگادار بە تۆڕی میدیایی رووداوی راگەیاند: "دوو گەنجەکە لەنێو گەڕەکی فەرمانبەران کوژراون و هەردووکیان برای یەکدین."
بەپێی زانیارییەکانی رووداو، کوژراوەکان ناویان (هۆشمەند محەممەد مەنتک) و (ئەمیر محەممەد مەنتک)ـە و تەمەنیان لە بیستەکاندایە.
بابەتی پەیوەندیدار
کوردستان28/04/2026
وەزارەتی ئەوقاف: جەژنی قوربانی پیرۆز 26 یان 27ی ئایار دەبێت
کوردستان28/04/2026
دوو کەس لە پارێزگای ورمێ بە رووداوی هاتووچۆ گیانیان لەدەستدا
سەبارەت بە هۆکاری رووداوەکە، سەرچاوەکەی رووداو گوتی: "هێشتا هۆکاری کوژرانی ئەو دوو برایە بۆ هێزە ئەمنییەکان روون نەبووەتەوە و لێکۆڵینەوە بەردەوامە."
دوای رووداوەکە، تەرمی هەردوو گەنجەکە رەوانەی پەیمانگەی دادپزیشکیی هەولێر کراون و هێزەکانی پۆلیس دەستیان بە لێکۆڵینەوەی ورد کردووە بۆ دۆزینەوەی بکوژەکە و زانینی راستی و دروستیی رووداوەکە.