رووداو دیجیتاڵ
بەڕێوەبەرایەتیی گشتیی کەشناسیی تورکیا پێشبینی دەکات ئەمڕۆ لە 3 پارێزگا بەفر و لە 21 پارێزگای دیکەی باکووری کوردستان باران ببارێ. کەشەکە سبەیش بە شێوەی پچڕ پچڕ بەردەوام دەبێت.
بەڕێوەبەرایەتیی گشتیی کەشناسیی تورکیا پێشبینییەکانی کەشوهەوای تورکیا و باکووری کوردستانی بڵاوکردەوە و رایگەیاند، رۆژی دووشەممە، 20ـی نیسانی 2026، لە پارێزگاکانی ئەرزەڕۆم، ئەرزینگان و قەرس لە باکووری کوردستان بەفر دەبارێ.
بابەتی پەیوەندیدار
کوردستان28/04/2026
وەزارەتی ئەوقاف: جەژنی قوربانی پیرۆز 26 یان 27ی ئایار دەبێت
کوردستان28/04/2026
دوو کەس لە پارێزگای ورمێ بە رووداوی هاتووچۆ گیانیان لەدەستدا
وەک لە راگەیێندراوەکەدا هاتووە، پێشبینی دەکرێ لە پارێزگاکانی رووها، ئامەد، دیلۆک، سەمسوور، مێردین، ئێلیە و سێرت لێزمەباران و هەورە برووسکە هەبێ. نمەبارانیش لە تەواوی 14 پارێزگاکانی دیکەی باکووری کوردستان بەشێوەی پچڕ پچڕ دەگرێتەوە.
بەگشتیی ئەگەری لافاو لە پارێزگاکانی رووها، ئامەد، دیلۆک، سەمسوور، ئێلیە، مێردین و سێرت دەبێت.
بەڕێوەبەرایەتیی گشتیی کەشناسیی تورکیا ئەوەشی خستەڕوو، لەو 3 پارێزگایانەی بەفر تێیاندا دەبارێ پلەی گەرما دادەبەزێ.