رووداو دیجیتاڵ
قایمقامی سنە رایگەیاند، بەهۆی جەنگەوە زیان بە سێ هەزار و 800 باڵەخانەی بازرگانی و نیشتەجێبوونی شارەکە گەیشتووە، 45 یەکەش بە تەواوی رووخاون.
رۆژی دووشەممە 20ی نیسانی 2026 غەریب سەجادی، قایمقامی شاری سنە رایگەیاند: "تیمەکانی ئاوەدانکردنەوە سەردانی ئەو شوێنانەیان کردووە کە لە لایەن ئەمریکا و ئیسرائیلەوە بۆردوومان کراون، بۆ ئەوەی خەمڵاندن بۆ قەبارەی زیانەکان بکەن."
غەریب سەجادی گوتی: "بەپێی خەمڵاندنەکانمان، سێ هەزار و 800 یەکەی نیشتەجێبوون و بازرگانی لە ناو شاری سنە زیانیان بەرکەوتووە، لەوانە 45 یەکە بە تەواوی رووخاون."
غەریب سەجادی ئاماژەی بەوەشکرد، دوای خەمڵاندنی زیانەکان، پرۆسەی نۆژەنکردنەوە دەستپێدەکات
بە گوتەی غەریب سەجادی، بڕی ئەو هاوکاریانەی بۆ نۆژەنکردنەوەی باڵەخانەکان دانراوە بەپێی زیانەکان لە 15 تاوەکو 700 ملیۆن تمەن دەبێت.
بابەتی پەیوەندیدار
کوردستان28/04/2026
وەزارەتی ئەوقاف: جەژنی قوربانی پیرۆز 26 یان 27ی ئایار دەبێت
کوردستان28/04/2026
دوو کەس لە پارێزگای ورمێ بە رووداوی هاتووچۆ گیانیان لەدەستدا
جەنگی ئێران لەگەڵ ئەمریکا-ئیسرائیل لە 28ـی شوباتی 2026 دوای ئۆپەراسیۆنێکی ئەمریکا و ئیسرائیل بۆ سەر ئێران دەستیپێکرد و دواتر ئێران بە مووشەک و درۆن وەڵامیدانەوە.
بەرەبەیانی رۆژی چوارشەممە 8ـی نیسان واشنتن و تاران بە فەرمی رەزامەندییان لەسەر ئاگربەستێکی 14 رۆژی نیشاندا.
رۆژی 11ی نیسانی 2026، دانوستاندنەکانی نێوان شاندەکانی ئێران و ئەمریکا بە نێوەندگیریی پاکستان لە ئیسلامئابادی پایتەختی ئەو وڵاتە دەستیانپێکرد، بەڵام دوای 21 کاژێر گفتوگۆ نەگەیشتنە رێککەوتن و بڕیارە سبەی گەڕێکی دیکەی دانوستاندن لە نێوان دوو وڵاتەکە بەڕێوەبچێت، بەڵام تاوەکو ئێستا ئێران رەزامەندی دەرنەبڕێوە.