رووداو دیجیتاڵ
سەرۆک بارزانی لە ساڵیادی بۆردوومانکردنی قەڵادزێ و زانکۆی سلێمانیدا رایگەیاند، "بۆردوومانی قەڵادزێ و زانکۆی سلێمانی لە 24ی نیسانی 1974 کە شەهید و برینداربوونی سەدان هاووڵاتیی بێتاوانی لێکەوتەوە، ئاماژەیەکی روونی سیاسەتی شۆڤینی و دڕندەیی رژێمی پێشووی عێراق لە دژی هاووڵاتیانی سڤیلی کوردستان بوو".
دەشڵێت، "ئەو کارەساتە دڵتەزێنە تاوانێکی دیکە بوو، لە زنجیرە تاوانەکانی ئەو رژێمە لە دژی گەلەکەمان".
بابەتی پەیوەندیدار
کوردستان28/04/2026
وەزارەتی ئەوقاف: جەژنی قوربانی پیرۆز 26 یان 27ی ئایار دەبێت
کوردستان28/04/2026
دوو کەس لە پارێزگای ورمێ بە رووداوی هاتووچۆ گیانیان لەدەستدا
سەرۆک بارزانی لە ئێکس پەیامەکەی بڵاوکردەوە و ئاماژە بەوەش دەکات، "لە ساڵیادی ئەو تاوانە گەورەیەدا سڵاو بۆ شەهیدانی ئەو کارەساتە و هەموو شەهیدانی کوردستان دەنێرین".
ئەمڕۆ لە ساڵی 1974، رژێمی بەعس بە فڕۆکەی جەنگی هێرشی کردە سەر قەڵادزێ و زانکۆی سلێمانی کە بۆ ئەو شارە گواسترابوویەوە، بەهۆیەوە زیاتر لە 100 کەس شەهید و سەدانی دیکەش بریندار بوون.