رووداو دیجیتاڵ
شەپۆلێکی بەفربارین بەشێکی هەردوو پارێزگای ئەرزەڕۆم و قەرسی باکووری کوردستانی گرتەوە.
بەرەبەیانی ئەمڕۆ شەممە 25ـی نیسانی 2026، بەفربارین لە بەشێکی پارێزگای قەرس دەستی پێکرد. زۆری پێنەچوو قەڵای قەرس سپیپۆش بوو و بەفر لەسەر سەدان ئۆتۆمبێل کۆبووەوە و لە هەندێک ناوچەش نزیکەی 15 سانتیمەتر بەفر باری.
بەفربارین لە هەندێ شوێن بووەهۆی دروستبوونی ئاستەنگی هاتووچۆ، بەتایبەتی لە رێگەی نێوان قەرس و ئەردەخان لە نزیک گوندی میزرا.
بابەتی پەیوەندیدار
کوردستان28/04/2026
وەزارەتی ئەوقاف: جەژنی قوربانی پیرۆز 26 یان 27ی ئایار دەبێت
کوردستان28/04/2026
دوو کەس لە پارێزگای ورمێ بە رووداوی هاتووچۆ گیانیان لەدەستدا
هاوکات لە شارۆچکەی نارمان لە پارێزگای ئەرزەڕۆم، بەهۆی بەفربارینەوە ماوەیەک چەند رێگەیەک داخران.
تیمەکانی بەڕێوەبەرایەتیی گشتیی رێگەوبانەکان رەوانەی ناوچەکە کران بۆ کردنەوەی رێگەکان و هاوکاریکردنی ئەو شۆفێرانەی کە لە رێگەکاندا ماونەتەوە.
کەشناسی تورکیا پێشبینی دەکات، ئەمڕۆ بەفر لە بەشێکی پارێزگاکانی ئەردەخان، ئەرزینگان، ئەرزەڕۆم، قەرس، ئاگری و چەولیگ ببارێ.