توێژینەوەیەکی نوێ: کەمپینکردن خەو باشتر دەکات

توێژینەوەکەی زانکۆی کۆلۆرادۆ لە ئەمریکا لەسەر ژمارەیەک بەشداربوو کە بۆ ماوەی هەفتەیەک کەمپیان کردووە، بەبێ بەکارهێنانی هیچ ئامێرێکی رووناککەرەوەی دەستکرد ماونەتەوە و دەرکەوتووە کاتژمێری بایۆلۆژیی بەشداربووان دوو کاژێر پێشکەوتبوو، واتە زووتر هەستیان بە خەو دەکرد و زووتر لە خەو هەڵدەستان، هەروەها ئاستی هۆرمۆنی مێلاتۆنین (کە بەرپرسە لە خەو) لە جەستەیاندا لەگەڵ تاریکبوون و رووناکبوونی سروشتیدا رێکخراوبوو، ئەمەش وایکردبوو بەیانیان بە چوست و چالاکییەوە لە خەو هەستن وە کێشە تەندروستییەکانی وەک نەخۆشییەکانی دڵ، خەمۆکی، قەڵەوی و شەکرە کەم کردووەتەوە.