رووداو - تەندروستی
لە ئیدارەی راپەڕین شەپۆلێکی تووندی تەرزە، باران و رەشەبا لە ئێوارەی دووشەممەوە دەستیپێکرد و تەندروستیی راپەڕین رایگەیاند، 35 حاڵەتی برینداربوون بەهۆی ئەو نالەبارییەی کەشوهەواوە تۆمار کراون.
ئەمڕۆ سێشەممە 21-4-2026 هەژار عومەر، بەڕێوەبەری فریاکەوتنی رانیە بە رووداوی راگەیاند، ئەوانەی هاتبوونە فریاکەوتن و برینداربووبوون، بەهۆی تەرزەوە کەوتبوون، چونکە رایانکردبوو بۆ ئەوەی تەرزە لێیان نەدات.
هەژار عومەر روونی دەکاتەوە، زۆرینەی بەرینەکان لە سەردا بووە و پیاوانیش زۆرترین بوون.
بابەتی پەیوەندیدار
تەندروستی 28/04/2026
تەندروستیی جیهانی یەکەم چارەسەری مەلاریای بۆ منداڵانی ساوا پەسند کرد
تەندروستی 28/04/2026
پسپۆڕێکی منداڵان: دواخستنی کوتانی منداڵەکانتان مەترسیدارە
هاوکات ئەوەشی گوت، ''تائێستا هیچ کەسێک نەماوەتەوە لە نەخۆشخانە''.
رۆژی دووشەممە، 20ـی نیسانی 2026، بەڕێوەبەرایەتیی گشتیی تەندروستیی راپەڕین لە راگەیێندراوێکدا بڵاویکردەوە: "لە ماوەی چەند کاژێری ئێوارەی ئەمڕۆدا، 35 حاڵەتی برینداربوون بەهۆی بەربوونەوە و شکانی دەست و قاچ و ئازاری جەستەیی، لە نەخۆشخانەی فریاکەوتنی رانیە تۆمارکراون''.
کەشناسیی هەرێمی کوردستان ئەمڕۆ رایەگەیاند، بارانبارین بەردەوام دەبێ و ئەمڕۆ لاواز دەبێ. کەشناسانیش پێشبینی دەکەن، پێنجشەممە و هەینی کەشەکە ئاسایی ببێتەوە.