رووداو دیجیتاڵ
کچێک لە گوندێکی ئیدارەی سەربەخۆی راپەڕین لە پارێزگای سلێمانی بە هۆکارێکی نادیار گیانی لەدەستدا. گوتەبێژی پۆلیسی راپەڕین دەڵێت، لێکۆڵینەوە لە هۆکارەکەی دەکەن.
رۆژی دووشەممە، 02-02-2026، شۆڕش ئیسماعیل، گوتەبێژی پۆلیسی ئیدارەی سەربەخۆی راپەڕین بە تۆڕی میدیایی رووداوی گوت: "رووداوەکە دوێنێ شەو لە گوندی کەڕەک سەر بە ناحیەی سەرکەپکان روویداوە. بە گوتەی کەسوکارەکەی، نەخۆشیی دەروونی هەبووە."
بە گوتەی گوتەبێژی پۆلیسی ئیدارەی سەربەخۆی راپەڕین، رووداوەکە نادیارە و پێدەچێت بابەتەکە خۆکوژی بووبێت.
کچە ناوی (خ. ح.)یە و تەمەنی 18 ساڵ بوو. بە گوتەی شۆڕش ئیسماعیل، کچەکە لەنێو ماڵەکەی خۆیاندا گولـلەیەک بەر سەری کەوتووە و بەو هۆیەوە دەستبەجێ گیانی لەدەست داوە.
موقەدەم شۆڕش ئیسماعیل باسی لەوەش کرد: "تەرمی ئەو کچەمان رەوانەی دادپزیشکی کرد، دوای پشکنین رادەستی کەسوکارەکەی کرایەوە و لێکۆڵینەوەکان بەردەوامن."