بەرپرسێک لە شاری پاوە کوژرا

بەرەبەیانی ئەمڕۆ شەممە 15-06-2024 حامید ترکاشوەند، بەڕێوەبەری بەشی چاودێریی بازاڕی شاری پاوە لەبەردەم ماڵەکەی خۆی لە کرماشان لەلایەن کەسێکەوە تەقەی لێکرا و کوژرا.

مەهدی قەنادی، بەڕێوەبەری پەیوەندییەکانی دادی گشتی و شۆڕشی کرماشان گیانلەدەستدانی ئەو بەرپرسەی لە کرماشان پشتڕاستکردەوە و گوتی، بکوژ ماوەی چەند کاژێرێک لەبەردەم ماڵەکەی حامید ترکاشوەند وەستاوە، لەکاتی دەرچوونی لە ماڵەکەی تەقەی لێکردووە و چوار گولـلەی پێوە ناوە.