رووداو دیجیتاڵ
وەزارەتی پەروەردەی حکومەتی هەرێمی کوردستان بڕیاری دا بە گۆڕینی لۆگۆی وەزارەت و یەکخستنی لە سەرجەم دامەزراوەکاندا. بەپێی فەرمانێکی نوێی وەزارەتەکە، گۆڕانکاری لە تابلۆی قوتابخانەکان دەکرێت و بۆ ساڵی داهاتووش، دەبێت لۆگۆکە لەسەر جلی قوتابیان هەبێت.
بەپێی نووسراوێک کە واژۆی ئالان حەمەسەعید، وەزیری پەروەردەی هەرێمی کوردستانی لەسەرە و 13-04-2026 دەرچووە، بڕیاردراوە بە گۆڕینی لۆگۆی وەزارەتی پەروەردە بۆ شێوازێکی نوێ، هاوکات چەند رێنماییەکیش بۆ بەکارهێنانی لۆگۆکە دەرکراون.
لە نووسراوەکەدا هاتووە کە پاراستنی رەسەنایەتی لۆگۆکە ئەرکە و "بە هیچ شێوەیەک رێگەپێدراو نییە دەستکاری رەنگ، پێکهاتە یان رەهەندەکانی بکرێت". هەروەها دەبێت تەنیا فۆنتی (PARWARDA-2026) لە نووسینەکانی ژێر لۆگۆ و تابلۆی قوتابخانەکاندا بەکاربهێنرێت.
وەزارەتی پەروەردە بۆ ساڵی خوێندنی 2026-2027 شێوازی تابلۆی ناوەندەکانی خوێندنی یەکخستووە، بە جۆرێک:
- لۆگۆی حکومەتی هەرێمی کوردستان لە دەستەڕاست دەبێت.
بابەتی پەیوەندیدار
کوردستان28/04/2026
وەزارەتی ئەوقاف: جەژنی قوربانی پیرۆز 26 یان 27ی ئایار دەبێت
کوردستان28/04/2026
دوو کەس لە پارێزگای ورمێ بە رووداوی هاتووچۆ گیانیان لەدەستدا
- لۆگۆی وەزارەتی پەروەردە لە دەستەچەپ دەبێت.
- ناوی ناوەندی خوێندن لە نێوەڕاست و لە ژێر هەردوو لۆگۆکە دەنووسرێت.
سەبارەت بە قوتابخانە ناحکومییەکان، وەزارەت ئاماژەی بەوە کردووە کە دەتوانن لۆگۆی تایبەتی خۆیان لە نێوەڕاستی تابلۆکەدا دابنێن، بەڵام دەبێت پابەندی شوێنی لۆگۆکانی حکومەت و وەزارەت بن.
یەکێکی دیکە لە بڕیارەکان پەیوەستە بە جلی قوتابیانەوە. وەزارەتی پەروەردە بڕیاریداوە بۆ ساڵی خوێندنی 2026-2027، لۆگۆ نوێیەکە لەسەر جلی ناوەندەکانی خوێندنی حکومی و ئەو قوتابخانە ناحکومییانەش جێگیر بکرێت کە دەیانەوێت هەمان ستایلی جلوبەرگی وەزارەتەکە بەکاربهێنن. ئاماژە بەوەش کراوە کە دواتر شێواز و رەنگ و شوێنی لۆگۆکە لەسەر جلەکان بە گشتاندنێکی تایبەت دیاری دەکرێت.
ئەم بڕیارانەی وەزارەتی پەروەردە لە رۆژی دەرچوونیانەوە 13ی نیسانی 2026 دەچنە بواری جێبەجێکردنەوە و سەرجەم بەڕێوەبەرایەتییە گشتییەکانی پەروەردە لە پارێزگا و ئیدارە سەربەخۆکان ئاگادارکراونەتەوە بۆ کارکردن پێیان.