جیاواز لە ساڵانی رابردوو، ئەم ساڵ ناسەقامگیری ناوچەکە کوردانی ئێزدیی لە هەرێمی کوردستان لە جەژنی سەری ساڵ بێبەش کرد.
ئەنجوومەنی رووحانیی ئێزدییان بڕیاری دا ئەم ساڵ هیچ مەراسیمێکی فەرمیی جەژنی سەری ساڵی ئێزدییان لە پەرستگای لالش نەکرێت. بڕیارەکەش بە مەبەستی پاراستنی گیانی هاونیشتمانییان و لەبەرچاوگرتنی بارودۆخی سیاسی و ئەمنیی ناوچەکە دراوە.
جەژنی سەری ساڵی ئێزدییان بە (چوارشەممەی سوور) نووسراوە، دەکەوێتە سێیەم چوارشەممەی مانگی نیسان. لە ئێوارەی سێشەممەوە بابەشێخ و پیاوانی ئێزدی لە لالش کۆدەبنەوە، وەک ئاماژەیەک بۆ رۆژەکانی ساڵ 366 مۆم لە نێو پەرستگەی لالش دادەگیرسێنن.