رووداو دیجیتاڵ
ئەمشەو، رەجەب تەیب ئەردۆغان، سەرۆککۆماری تورکیا و مەسعود پزیشکیان، سەرۆککۆماری ئێران، بە تەلەفۆن قسەیان کرد و تێیدا ئاگربەست و دۆخی ئەمنیی ناوچەکەیان تاوتوێ کرد. ئەردۆغان جەختی لە "هەوڵە چڕەکانی تورکیا بۆ ئاشتی" کردەوە.
بەپێی راگەیێندراوێکی فەرمانگەی پەیوەندییەکانی سەر بە سەرۆکایەتیی کۆماری تورکیا، لە پەیوەندییە تەلەفۆنییەکەدا، ئەردۆغان رایگەیاندووە، تورکیا لە پرۆسەی گەیشتن بە ئاگربەستدا لەگەڵ وڵاتانی پەیوەندیدار هەوڵێکی چڕی داوە.
سەرۆککۆماری تورکیا جەختی لەوە کردووەتەوە، "پێویستە لە گفتوگۆکانی داهاتوودا، زۆرترین سوود بۆ ئاشتی و سەقامگیریی هەمیشەیی وەربگیرێت.
بابەتی پەیوەندیدار
رۆژهەڵاتی نێوەڕاست29/04/2026
ناوەندی توێژینەوەی کەنداو بۆ رووداو: نزیکەی 6000 مووشەک و درۆن ئاراستەی وڵاتانی کەنداو کراون
رۆژهەڵاتی نێوەڕاست29/04/2026
سعودیە رێکاری پێدانی ڤیزا بە عێراقییەکان دەگۆڕێت و دەگەڕێتەوە بۆ سیستمی کۆن
هەروەها گرنگە رێگە بەوانە نەدرێت کە دەیانەوێت پرۆسەکە تێکبدەن."
هەروەها ئەردۆغان پێی رایگەیاندووە، "وڵاتەکەمان ئامادەیە لە قۆناخی نوێدا لەگەڵ وڵاتانی دۆستدا هەموو جۆرە هاوکارییەک پێشکێش بکات."
سەرۆککۆماری تورکیا جارێکی دیکە سەرەخۆشی و خەمباریی خۆی بۆ زیانەکانی گەلی ئێران دەربڕی و رایگەیاند، ئامانجی تورکیا دامەزراندنی کەشێکی نوێی دیالۆگە لە ناوچەکەدا.