رووداو دیجیتاڵ
سەرۆکی پەرلەمانی ئێران دەڵێ، تاوەکو ئەو کاتەی دوو خاڵی بنچینەیی جێبەجێ نەکرێن، تاران دەست بە دانوستاندن ناکات. مەرجەکانیش بریتین لە راگرتنی شەڕ لە لوبنان و ئازادکردنی پارە سڕکراوەکانی ئێران.
محەممەدباقر قالیباف، سەرۆکی پەرلەمانی ئێران، لە پۆستێکی تۆڕی کۆمەڵایەتیی ئێکسدا پەیامێکی بڵاوکردەوە و تێیدا مەرجەکانی وڵاتەکەی بۆ دەستپێکردنی دانوستاندن لەگەڵ ئەمریکا خستەڕوو.
قالیباف نووسیویەتی: "دوو لەو هەنگاوانەی هەردوولا لەسەریان رێککەوتوون، هێشتا جێبەجێ نەکراون: ئاگربەست لە لوبنان و ئازادکردنی سەرمایە بلۆککراوەکانی ئێران پێش دەستپێکردنی دانوستاندنەکان.
بابەتی پەیوەندیدار
رۆژهەڵاتی نێوەڕاست29/04/2026
ناوەندی توێژینەوەی کەنداو بۆ رووداو: نزیکەی 6000 مووشەک و درۆن ئاراستەی وڵاتانی کەنداو کراون
رۆژهەڵاتی نێوەڕاست29/04/2026
سعودیە رێکاری پێدانی ڤیزا بە عێراقییەکان دەگۆڕێت و دەگەڕێتەوە بۆ سیستمی کۆن
"
سەرۆکی پەرلەمانی ئێران بە تووندی جەختی لەسەر هەڵوێستی وڵاتەکەی کردەوە و دەڵێت: "پێویستە ئەم دوو بابەتە پێش دەستپێکردنی دانوستاندنەکان جێبەجێ بکرێن."
ئەم لێدوانەی قالیباف لە کاتێکدایە، بڕیارە شاندەکانی ئەمریکا و ئێران لە ئیسلامئابادی پایتەختی پاکستان کۆببنەوە بۆ دانوستاندن لەسەر راگرتنی ئەو جەنگەی لە 28ـی شوباتی رابردووەوە دەستیپێکردووە.