بکوژە بێدەنگەکە؛ دەبێت کۆنتڕۆڵ بکرێت

لە جیهاندا بەپێی ئامارەکانی رێكخراوی تەندروستیی جیهانی زیاتر لە ملیارێك و 300 ملیۆن تووشبووی بەرزەپەستانی خوێن هەن کە دەستنیشانکراون، بەڵام تەنیا نزیکەی 20٪ـی تووشبووان، واتە لە پێنج کەس، تەنیا یەک کەس زەختەکەی بەباشی کۆنتڕۆڵکراوە.

گرفتەکەش ئەوەیە زۆربەی نەخۆشەکان، هیچ نیشانەیەکیان نییە و بەداخەوە کە نیشانەکان دەردەکەون، گرفتەکە سەختتر بووە، واتە پاشهات و مەترسییەکانی بەرزەپەستانی خوێن دەرکەوتوون، لەوانەش؛

- ئەستووربوونی دیوارەکانی دڵ

- پەککەوتن و سستبوونی دڵ 

- جەڵتەی دڵ و جەڵتەی مێشك

- سستبوونی گورچیلەکان

- لەدەستدانی بینایی و بێتوانابوونی چاوەکان

بەگشتی بەپێی رێنوێنینامە جیهانییەکانی وەکو دەستەی پزیشكانی دڵ لە ئەمریکا و پزیشكانی نەخۆشییەکانی دڵ لە ئەمریکا لەدوای تەمەنی 18 ساڵییەوە گەنجانیش باشترە پێنج ساڵ جارێك پشکنینی پەستانی خوێن بکەن، ئەو کەسانەش کە تەمەنیان لە 40 ساڵ زیاترە، لانیکەم ساڵانە پشکنین بکەن، ئەگەریش زوو دەستنیشان بکرێت، کۆنتڕۆڵکردنی زۆر ئاسانتر دەبێت.