رووداو دیجیتاڵ
بەهۆی لێدوانێکی ئیتامار بین گڤیر، وەزیری ئاسایشی نیشتمانی ئیسرائیل، لە بەرنامەیەکی تەلەڤزیۆنیدا لەبارەی مافی جووەکان، بێلا حەدید، مۆدێلی ئەمریکی بە رەچەڵەک فەڵەستینی هاتە دەنگ و بە کەسێکی 'رەگەزپەرست' دەیناسێنێت.
بین گڤیر، لە بەرنامە تەلەڤزیۆنییەکەدا کە رۆژی چوارشەممە 23ـی ئابی 2023 بڵاوکرایەوە، ئاماژەی بۆ ئەوەکرد، خۆی، هاوژین و منداڵەکانی مافیان لە هاتووچۆکردن لە رێگەی یهودا و سامرە زیاترە، وەک ئەوەی ئەو مافە هی عەرەب بێت. هەروەها دەڵێت: "ئەمە راستییە... مافی من لە ژیان بەر لە مافی جوڵەی ئەوان (عەرەب) دێت".
ئەم لێدوانە بێلا حەدیدی توڕەکردووە و لە ئینستگرامەکەی خۆی نووسیویەتی، ناکرێت ژیانی هیچ کەسێک لە هەر شوێن و کاتێک بێت، بەتایبەتیش لە ساڵی 2023 لە ژیانی مرۆڤێکی دیکە نرخی زیاتر بێت، بەتایبەتی بەهۆی نەژاد، کولتوور یاخود رقلێبوونەوە.
بابەتی پەیوەندیدار
کولتوور 20/05/2026
ماجید نووری ئەوڕەحمانی نفووس دەگەڕێنێتەوە بۆ کەرکووک
کولتوور 15/05/2026
جەلادەت بەدرخان، ژێنەرەوەی ئەلفابێی کوردی؛ "کوردبوون بەبێ زمان شانازی نییە"
لە بەرامبەردا رۆژی هەینی 25ـی ئاب، بین گڤیر، لە بەیاننامەیەکدا لە پلاتفۆڕمی 'ئێکس'، وەڵامی لێدوانەکانی حەدیدی دایەوە و بەوە تۆمەتباری دەکات کە تەنیا بەشێک لە چاوپێکەوتنەکەی لە ئەکاونتی سۆشیال میدیای خۆیدا بڵاوکردۆتەوە بۆ ئەوەی نیشان بدات کە "رەگەزپەرستە".
بیلا حەدی یەکەمجار نییە لە لێدوانەکانیدا بەرگری لە فەڵەستین و خەڵکەکەی دەکات، پێشتر لە چەندین بۆنەی جیاوازدا بەرگری کردووە.