رووداو - تەندروستی
دووەم کاروانی هاوکارییەکانی عێراق کە لە چەندین کەلوپەلی پزیشکی، دەرمان و خۆراک پێکهاتبوو، گەیشتە ئێران و رادەستی مانگی سووری ئەو وڵاتە کرا.
رازیە عالیشوەندی یاریدەدەری کاروباری نێودەوڵەتیی کۆمەڵەی مانگی سووری ئێران رایگەیاند، دووەم کاروانی هاوکارییەکانی خەڵکی عێراق بۆ ئێران کە پێکهاتووە لە پێداویستیی ژیان، دەرمان و خۆراک رادەستی رێکخراوی فریاگوزاریی مانگی سوور کرا. بە گوتەی عالیشوەندی ئەو هاوکارییانە بە فەتوای عەلی سیستانی، مەرجەعی باڵای شیعەکانی عێراق رەوانەی ئێران کراون.
بابەتی پەیوەندیدار
تەندروستی 28/04/2026
تەندروستیی جیهانی یەکەم چارەسەری مەلاریای بۆ منداڵانی ساوا پەسند کرد
تەندروستی 28/04/2026
پسپۆڕێکی منداڵان: دواخستنی کوتانی منداڵەکانتان مەترسیدارە
یاریدەدەری کاروباری نێودەوڵەتیی کۆمەڵەی مانگی سووری ئێران ئاماژەی بەوەشکرد، تاوەکو ئێستا رووسیا، ئازەربایجان، هیندستان، چین، ئەرمینیا، داغستان، تورکمانستان، تاجیکستان و ئۆزبەکستان هاوکارییان بۆ خەڵکی ئێران ناردووە.
عالیشوەندی جەختی لەوە کردەوە، "ئێمە داوای هیچ هاوکارییەکمان نەکردووە و ئەم هاوکارییانە بە شێوەیەکی تەواو خۆبەخشانە و لە رێگەی میکانیزمی فەرمییەوە بە هەماهەنگی لەگەڵ وەزارەتی دەرەوەی وڵاتەکەمان گەیشتوون."