رووداو - تەندروستی
لێپرسراوی بەشی چارەسەری سرووشتی لە نەخۆشخانەی رزگاری لە هەولێر رایدەگەیێنێت، لە مانگی رابردوودا دوو هەزار و 41 کەس سەردانی بەشی چارەسەری سرووشتیان کردووە و چارەسەریان وەرگرتووە. ئەوەش باس دەکات کە ملئێشە و پشتئێشە لەنێو گەنجاندا زیادبوون.
ئەمڕۆ چوارشەممە 8-4-2026 ئەردەڵان سەعدەدین، لێپرسراوی بەشی چارەسەری سرووشتی لە نەخۆشخانەی رزگاریی فێرکاری لە هەولێر بە رووداوی راگەیاند، حاڵەتەکانی پشتئێشە، ملئێشە، هەوکردنی جومگەکان، رۆماتیزم و جەڵتەکان لە بەشی چارەسەری سرووشتی هەن.
ئەردەڵان سەعدەدین دەڵێت: ئێستا گەنجان بەهۆی زۆردانیشتن یاخود زۆر بەپێوەوەستان تووشی کێشەکانی بڕبڕەی پشت و مل بوون و دێنە سەنتەرەکە بۆ چارەسەر.
بابەتی پەیوەندیدار
تەندروستی 28/04/2026
تەندروستیی جیهانی یەکەم چارەسەری مەلاریای بۆ منداڵانی ساوا پەسند کرد
تەندروستی 28/04/2026
پسپۆڕێکی منداڵان: دواخستنی کوتانی منداڵەکانتان مەترسیدارە
ئەوەش دەخاتەڕوو کە زۆرێک لە تووشبووانی گەنج کە ملئێشە و پشتئێشەی درێژخایەنیان هەبووە، بەهۆی کارەکانیانەوە تووشیبوون بەتایبەت سەرتاشی، وەستای کاشی و بەپێوەوەستانی زۆر.
ئەردەڵان سەعدەدین رێنوێنیی هاونیشتمانییان دەکات، ''زۆردانیشتن یاخود زۆربەپێوەوەستان کێشەن بۆ بڕبڕەکان و هەمیشە گۆڕانکاری لە جووڵەکاندا هەبێت یاخود پشوو بدرێت''.
بەپێی ئامارەکانی نەخۆشخانەکە، تەنیا لە بەشی چارەسەری سرووشتی لەکۆی سێ مانگی ئەم ساڵدا حەوت هەزار و 495 کەس بینراون و چارەسەریان بۆ کراوە.