رووداو - تەندروستی
دواین ئامارەکانی وەزارەتی تەندروستیی ئێران دەریدەخەن، زیاتر لە 360 ناوەندی تەندروستی، سەنتەری چارەسەر و توێژینەوە و بنکەی فریاکەوتن لە ئەنجامی هێرشەکانی ئەمریکا و ئیسرائیل زیانیان بەرکەوتووە.
د. محەممەدڕەزا زەفەرقەندی، وەزیری تەندروستیی ئێران لەبارەی ئاگربەستەوە قسە دەکات و رایدەگەیێنێت، ئاگربەست دەرفەتێکە بۆ نۆژەنکردنەوە، ئامادەکاری و پێداچوونەوە بە رێنوێنییە تەندروستییەکان و دابینکردنی پێداویستییە پزیشکییەکان.
بەپێی ئامارەکە، 26 کارمەندی تەندروستی و 257 ئافرەت و 220 کەسی خوار 18 ساڵ کوژراون. هاوکات هەشت نەخۆشخانەش بە تەواوی چۆڵ کراون.
مانگی سووری ئێران ئاشكرای کردووە، 48 ئۆتۆمبێلی فریاکەوتن و ئەمبوڵانس لە سەرەتای هێرشەکانەوە تاوەکو ئێستا تێکشکێندراون.
بابەتی پەیوەندیدار
تەندروستی 28/04/2026
تەندروستیی جیهانی یەکەم چارەسەری مەلاریای بۆ منداڵانی ساوا پەسند کرد
تەندروستی 28/04/2026
پسپۆڕێکی منداڵان: دواخستنی کوتانی منداڵەکانتان مەترسیدارە
ئەمەش بزانە
لە بەرەبەیانیی رۆژی شەممە 28ـی شوبات، هێرشێکی بەرفراوان و هاوبەشی ئیسرائیل و ئەمریکا بۆ سەر ئێران دەستیپێکردووە و تائێستا بەردەوامە و لەو ماوەیەدا چەندین جار پارێزگاکانی رۆژهەڵاتی کوردستانیش کراونەتە ئامانج.
لە بەرامبەردا، هێزە چەکدارەکانی ئێران و بەتایبەت سوپای پاسداران، بە چەندین مووشەک و درۆن هێرشیان کردووەتە سەر ئیسرائیل و بنکە سەربازییەکانی ئەمریکا لە ناوچەکەدا.
بەگوێرەی دوایین ئاماری وەزارەتی تەندروستیی ئێران و مانگی سوور، ژمارەی کوژراوان گەیشتووەتە زیاد لە دوو هەزار کەس و ژمارەی بریندارەکانیش گەیشتووەتە زیاتر لە 25 هەزار کەس.