رووداو - تەندروستی
پسپۆڕانی تەندروستی لە ئەمریکا هۆشداری دەدەن کە ئەو ژەمە خۆراکانەی لە نەخۆشخانەکان پێشکێش دەکرێن، ناتەندروستن و زیان بە پرۆسەی چاکبوونەوەی نەخۆشەکان دەگەیەنن، ئەمەش وایکردووە حکومەت هەنگاوی نوێ بنێت بۆ گۆڕینی دۆخەکە.
سەنتەری خزمەتگوزارییەکانی مێدیکەیر و مێدیکەید (CMS) لە ئەمریکا بە سەرپەرشتیی دکتۆر مەحمەد ئۆز، یاداشتێکی ئاراستەی نەخۆشخانەکان کرد و داوای لێکردن کە ژەمەکانیان لەگەڵ رێنماییە خۆراکییەکاندا بگونجێنن، ئەمەش بە کەمکردنەوەی خۆراکە پرۆسێسکراوەکان و کاربۆهیدرات، خواردنەوە شیرینەکان.
د.
بابەتی پەیوەندیدار
تەندروستی 28/04/2026
تەندروستیی جیهانی یەکەم چارەسەری مەلاریای بۆ منداڵانی ساوا پەسند کرد
تەندروستی 28/04/2026
پسپۆڕێکی منداڵان: دواخستنی کوتانی منداڵەکانتان مەترسیدارە
حەمید خان بەرپرسی باڵای پزیشکی لە کۆمپانیای Jorie AI دەڵێت زۆربەی لیستی خۆراکی نەخۆشخانەکان پشت بە خۆراکی ئاسان و خێرا دەبەستن.
د. حەمید خان راگەیاند: خۆراکی خراپ دۆخەکە بۆ ئەم نەخۆشانە خراپتر دەکات و دەبێتە هۆی لاوازبوون، دواکەوتنی چاکبوونەوە، هەوکردن و لەدەستدانی ماسولکە، بەتایبەتی بۆ کەسانی بەساڵاچوو و ئەوانەی نەخۆشیی درێژخایەنیان هەیە.
گوتەبێژێکی کۆمەڵەی نەخۆشخانەکانی ئەمریکا (AHA) رایگەیاندووە، نەخۆشخانەکان دەزانن کە خۆراک بەشێکی سەرەکییە لە چاکبوونەوە و زۆر پابەندن بە پێشکێشکردنی ژەمی کواڵیتی بەرز کە لەگەڵ ستانداردە کلینیکییەکان و پێداویستییە خۆراکییەکانی تاکەکەسی و رێنماییە فیدراڵییەکاندا بگونجێت.