رووداو - تەندروستی
هەر دوای بڕیارەکەی وەزارەتی تەندروستیی هەرێمی کوردستان کە پزیشکانی پسپۆڕ و نیشتەجێی دێرین ناچار دەکات لەکاتی ئێشکگریدا لەنێو نەخۆشخانەکان بن، پزیشکێکیش دەڵێت، "کێشەی کەمیی پێداویستی و شوێنی مانەوەمان هەیە."
د. سامان تاهیر، پسپۆڕی نەشتەرگەریی گشتی رایگەیاند، کێشەی کەمیی شوێنی مانەوەی پزیشکان لە نەخۆشخانەکان هەیە و گوتی، بۆ نموونە ئەگەر پێویست بکات 30 پزیشک لە شەوێکدا ئێشکگر بن، دەبێت 30 شوێنی مانەوە هەبێت، کە نیمانە.
بابەتی پەیوەندیدار
تەندروستی 28/04/2026
تەندروستیی جیهانی یەکەم چارەسەری مەلاریای بۆ منداڵانی ساوا پەسند کرد
تەندروستی 28/04/2026
پسپۆڕێکی منداڵان: دواخستنی کوتانی منداڵەکانتان مەترسیدارە
هەروەها، د. سامان تاهیر ئاماژەی بەوەشکرد، "کێشەی کەمیی ئامێر و پێداویستیی پزیشکیمان هەیە، هەندێک جار ئامێرمان نییە لە نەخۆشخانەکان، پزیشک بێتە نەخۆشخانە و ئامێری لێنەبێت چۆن دەتوانێت کارەکانی بەڕێ بکات."
ئەو پزیشکە پسپۆڕە داوا لە وەزارەتی تەندروستی دەکات کە کێشەی کەمیی پێداویستییە پزیشکییە بنەڕەتییەکان لە نەخۆشخانەکاندا چارەسەر بکات، کە بووەتە هۆی راوەستانی کارەکان و دروستبوونی مەترسی بۆ سەر ژیانی نەخۆشان.