رووداو - تەندروستی
دکتۆر رۆس کۆپڵمان، پزیشکی نەشتەرگەری چاندنی قژە، روونی دەکاتەوە کە گۆگردی ناو پیاز پێکهێنەرێکی سەرەکییە بۆ دروستبوونی پڕۆتینی کیراتین، کە پرۆتینی سەرەکی قژە. هەروەها پیاز تایبەتمەندی دژە میکرۆبی هەیە و یارمەتی تەندروستی پێستی سەر دەدات. هەندێک توێژینەوەش دەڵێن کە رەنگە پیاز سوڕی خوێن لە پێستی سەردا زیاد بکات و هەوکردن کەم بکاتەوە، کە هەردووکیان گرنگن بۆ گەشەی قژ.
دکتۆر رۆس دەلێت؛ زۆربەی ئەو بەرهەمانەی پیازیان تێدایە، بۆ کەچەڵی و رێگریکردن لە رووتانەوەی قژ و هاندانی گەشەی قژ بەکاردێن. تەنانەت تاقیکردنەوەیەکی کلینیکی دەریخستووە کە پشکنینی پیاز بۆ ئەو کەسانەی نەخۆشی 'ئالۆپیسیا ئارێتا'یان هەیە (کە دەبێتە هۆی رووتاندنەوەی قژ و خۆشمان پێی دەڵێین دەردە رێوی)، یارمەتیدەر بووە بۆ دووبارە گەشەکردنی قژ.
بابەتی پەیوەندیدار
تەندروستی 28/04/2026
تەندروستیی جیهانی یەکەم چارەسەری مەلاریای بۆ منداڵانی ساوا پەسند کرد
تەندروستی 28/04/2026
پسپۆڕێکی منداڵان: دواخستنی کوتانی منداڵەکانتان مەترسیدارە
پاشان بزانین کێ دەتوانێت بەکاری بهێنێت؟
بە گشتی، شامپۆکانی پیاز کە لە دەرمانخانە و بازاڕەکاندا بەردەستن، نەرم و بێ سولفەیتن، بۆیە بۆ زۆربەی کەسەکان سەلامەتن.
بەڵام ئاگادار بە: دکتۆر رۆس دەڵێت پیاز ترشە، بۆیە رەنگە هاوسەنگی PHـی قژی رەنگکراو تێکبدات. وە بۆ ئەو کەسانەی پێستی سەریان هەستیارە، پێشنیاری رۆنی ڕۆزماری دەکات وەک جێگرەوەیەک، چونکە هەمان سوودی هەیە بەڵام بۆنێکی خۆشی هەیە.
لە کۆتاییدا، دکتۆر رۆس ئامۆژگاری خەڵک دەکات پێش بەکارهێنانی هەر بەرهەمێکی نوێ، باشتر وایە راوێژ بە پسپۆڕ بکەیت، بەتایبەت ئەگەر کێشەی پێست یان قژت هەیە.