نازم دەباغ: سەردانی نێچیرڤان بارزانی بۆ تاران قۆناخێکی نوێ لە پەیوەندییەکان دروستدەکات

رۆژی دووشەممە، 6ـی ئایاری 2024، نازم دەباغ، نوێنەری حکومەتی هەرێمی کوردستان لە تاران لە هەڤپەییڤینێکدا لەگەڵ سەنگەر عەبدولڕەحمان، نێردراوی تۆڕی میدیایی رووداو بۆ ئێران، وردەکاریی سەردان و کۆبوونەوەکانی سەرۆکی هەرێمی کوردستانی بۆ ئێران خستەڕوو و گوتی: "لە کۆبوونەوەکاندا گفتوگۆ لەبارەی پرسە ئەمنی، سیاسی و ئابوورییەکان کرا".

نازم دەباغ: وەکو هەمیشە لە کاتێکدا کە شاندێکی حکومەتی هەرێمی کوردستان هاتبێتە تاران، بەتایبەتیش کە وەزارەتی دەرەوەی ئێران نێچیرڤان بارزانی بانگهێشت کردبێت، لە تاران گەرموگوڕیی و تێگەیشتنی زیاتر هاتووەتە کایەوە بۆ پێداچوونەوە بە پەیوەندییەکانی رابردوو و باشکردن و بەرەوپێشبردنی پەیوەندییەکان.

وەفدەکەی هەرێمی کوردستان، وەفدی پێکهاتەی حکومەتی هەرێمی کوردستانە، واتا دەکرێت لە دەرەوەی سیاسەتی حیزبییانە، بە بۆچوونێکی کوردانە و لەپێناو پاراستنی حکومەتی هەرێمی کوردستان و کیانی هەرێمی کوردستان قسە بکرێت. ئەوەی من لە دیدارەکاندا تێبینیم کرد، لە هەموویاندا زۆر بە وردی دەست لەسەر کێشەکان دانرا.

نازم دەباغ: لە چوارچێوەیەکی گشتیدا بابەتی ئەمنی، ئابووری و سیاسین.

نازم دەباغ: ئەوەی بیڵێم دەبێتە گوتنەوەی قسە کۆنەکان، بەڵام ئەو هۆکارانەی دەبنە هۆی تێکدان یان دروستکردنی نائەمنی لە وڵاتی ئێرانە لەلایەن کەسانێک لە هەرێمی کوردستان، کە ئەوە بۆ ئێرانییەکان گرنگە و پێداگریشیان لەسەر کردووەتەوە. هەروەها بوونی کەسانێک کە لەنێو هەرێمی کوردستانەوە ناڕاستەوخۆ هۆکارن بۆ دروستکردنی ئەم کێشانە، بۆ ئەوەش سەرۆکی هەرێمی کوردستان زۆر بە وریایی و وردبینییەوە پەنجەی خستە سەر کێشەکان و دووپاتیکردەوە کە ئێمە دەبێ وەکو یەک ماڵ و یەک تیم ئەو بابەتانە لە کاتی خۆیدا لەگەڵ یەکدی باس بکەین، نەک لەپڕ رووداوێک رووبدات و ئینجا بڵێین بۆ؟ لەسەر ئەم بابەتە هەموویان یەکڕا بوون بۆ ئەوەی لە پرسی ئەمنی و ئاسایشدا هاوکار بن و کۆمیتەی هاوبەش هەبێت.

نازم دەباغ: لە نێوان ئێران و هەرێمی کوردستان و بەغدا، چونکە دەبێ بیرمان نەچێت کە ئێستا زیاتر بابەتەکان لە چوارچێوەی عێراق باسدەکرێن، چونکە وەزیری ناوخۆی هەرێمی کوردستان ئەندامە لە شاندەکەی بەغدا.

نازم دەباغ: بەڵێ، ئەندامە لەو کۆمیتەیە. بوونیشی لەم شاندەدا رۆڵی خۆی هەبوو بۆ ئەوەی تەنیا وەکو شاندێکی سیاسی نەهاتوون، بەڵکو وەکو شاندێکی سیاسی و ئەمنی و ئاسایش هاتوون. هاوکات دووپات لەوەشکرایەوە کە ئێمە ئەگەر بمانەوێت زیاتر گەشە بە پەیوەندییەکانمان بدەین، کە کارتێکەری لەسەر ئەمن و ئاسایشیش هەیە، دەبێت بواری بازرگانی و ئابووریشمان بەهێز بکەین، چونکە چالاکیی بازرگانی، ئەمن و ئاسایشی هەردوولای پێویستە.

نازم دەباغ: بۆ بازرگانیش دەبێ ئەو پەیوەندییە رەنگدانەوەی لەسەر بێت، وەکو چۆن لە پێشوودا بازرگانی و کۆمیسیۆنی هاوبەشمان هەبوو بۆ گەشەپێدانی سەرمایەگوزاری و بازرگانی، دەبێ ئەمە چالاکتر بکرێت. وەکو باسم کرد، چالاککردنی بواری ئابووری و بازرگانی، ئاسایشی دەوێت. سنوور ئارامی دەوێت، کەواتە لەم رێگەیەوە ئاسانتر ئاسایش دروستدەبێت.

نازم دەباغ: بە دڵنیاییەوە دەکرێت. بۆچی؟ چونکە پرسیارەکەت وەڵامێکی تێدایە، واتا لەکاتێکدا ئەگەر کێشە نەبووە بۆچی هاتووین؟ ئەگەر کێشە نەبوو بۆچی باسمان لە چارەسەر کرد؟ بۆیە ئەو کەسەی کە دێت و رۆڵ دەبینێت لە چارەسەرکردنی کێشەکان، بە دڵنیاییەوە گۆڕانکاری لە رابردووەکە دەکات، واتا لە رابردووی باشەوە بۆ باشتر و لە خراپەکەش بۆ لەنێوبردنی، بۆیە ئەوەی لە لێکدانەوە و رۆژنامەکان باسدەکرێت، ئەگەر سەرنج بدەی ئاماژە ناکات کە وەکو جاران گەشە بە بەردەوامی پەیوەندییەکان دەدرێت، بەڵکو دەڵێن قۆناخێکی نوێ بۆ چارەسەرکردنی کێشەکانە. واتا ئومێدێکی گەورە لای توێژی سیاسی، سەربازی و ئەمنی ئێرانی هەیە کە ئەم سەردانەی نێچیرڤان بارزانی دەبێتە هۆکارێک بۆ لابەلاکردنی کێشەکان و بەرەوپێشچوونی زیاتر.

نازم دەباغ: هەر کەسە و لە قۆناخی خۆی و هەر کەسێکیش لە ئاستی بەرپرسیاریەتی و پێگەی کاریزمایی خۆی لە سیاسەتدا گرنگی پێدەدرێت. ئەمڕۆ نێچیرڤان بارزانی وەکو کەسایەتییەکی میانڕۆ و پیاوێکی سیاسەتمەدار و دەوڵەتمەدارە، وای دەبینم کە لەبەر چاوی بەرپرسانی کۆماری ئیسلامیی ئێران، هاتنی ئەو بە کردار قۆناخێکی نوێ دروستدەکات، بەڵام بە دڵنیاییشەوە چەپڵە بە دەستێک لێنادرێت.