فرۆشتنی مریشکی بێ ستیکەر لە هەولێر قەدەخە کرا؛ 'مریشکی تورکی و ئێرانی بە ناوی تازە دەفرۆشرێن'

رووداو دیجیتاڵ

بەڕێوەبەرایەتیی گشتیی کشتوکاڵی هەولێر "جۆرە فێڵێک" لە بەشێک لە مارکێتەکان ئاشکرا دەکات، کە تێیدا مریشکی بەستووی دەرەکی بە ناوی مریشکی تازە (فرێش) بە هاووڵاتییان دەفرۆشرێ و دەڵێت، "فرۆشتنی هەر مریشکێکی بێ ستیکەر و بێ رێککەوت، قەدەخە کراوە و سەرپێچیکاران سزا دەدرێن."

رۆژی دووشەممە 6ی نیسانی 2026، سەید هێمن سەید موراد، بەڕێوەبەری گشتیی کشتوکاڵی هەولێر بە تۆڕی میدیایی رووداوی راگەیاند، "دۆخێکی نەخوازراو و فێڵکردن لە بازاڕەکاندا دروستبووە. هەندێک کەس بە نایاسایی مریشکی بەستووی تورکیا و ئێران دەهێنن، لە زەرفەکەی دەری دەهێنن و دەیخەنە نێو قاپێکی سەفەری و بە نایلۆنێکی شەفاف دایدەپۆشن، دواتر لە مارکێتەکان بەناوی مریشکی تازەی نێوخۆ و تازە سەربڕاو بە هاووڵاتییانی دەفرۆشن."

بە گوتەی بەڕێوەبەری گشتیی کشتوکاڵی هەولێر، ئەم کارە ناوبانگی پڕۆژە نێوخۆییەکان خراپ دەکات، "چەندین پڕۆژەی سامانی ئاژەڵ و سەربڕخانە لای ئێمە سکاڵایان تۆمار کردووە، کە بە ناوی ئەوانەوە لە چەندین مارکێت ئەو فێڵە کراوە و مریشکی بەستوو بەناوی بەرهەمی ئەوانەوە فرۆشراوە."

لەبارەی رێکارەکان بۆ رێگریکردن لەو فێڵە، هێمن سەید موراد دەڵێ، "بڕیارمان دا فرۆشتنی هەموو جۆرە مریشکێکی ئامادەکراو کە بێ ستیکەر بێت و رێککەوتی بەرهەمهێنان و شێوازی فرۆشتنی دیار نەبێت، قەدەخە بکەین.

ئەم جۆرە مریشکە زیانی زۆرە، چونکە هاووڵاتی نازانێت کەی ئامادەکراوە و ماوەی بەسەرچووە یان نا."

فرۆشتنی مریشکی بێ ستیکەر لە هەولێر قەدەخە کرا؛ 'مریشکی تورکی و ئێرانی بە ناوی تازە دەفرۆشرێن'

وەزارەتی ئەوقاف: جەژنی قوربانی پیرۆز 26 یان 27ی ئایار دەبێت

دوو کەس لە پارێزگای ورمێ بە رووداوی هاتووچۆ گیانیان لەدەستدا

قۆناخی دووەمی رێککەوتنی هوتێل رەشید جێبەجێ دەکرێت؛ یەکێتی دوو قایمقامی وەرگرت

بابەتی پەیوەندیدار

وەزارەتی ئەوقاف: جەژنی قوربانی پیرۆز 26 یان 27ی ئایار دەبێت

دوو کەس لە پارێزگای ورمێ بە رووداوی هاتووچۆ گیانیان لەدەستدا