رووداو دیجیتاڵ
سەرچاوەیەک لە حکومەتی هەرێمی کوردستان رایگەیاند، رێککەوتن لە نێوان هەولێر و بەغدا کراوە، لەسەر ئەوەی هەر بڕە پارەیەک وەک داهاتی نانەوتیی مانگی ئادار دیاری بکرێت، 50%ـی رەوانەی بەغدا بکرێت.
رۆژی سێشەممە، 07ـی نیسانی 2026، سەرچاوەیەک لە حکومەتی هەرێمی کوردستان بە تۆڕی میدیایی رووداوی راگەیاند:"دوو رۆژی رابردوو شاندی باڵای حکومەتی هەرێمی کوردستان لە بەغدا بوون و لەگەڵ لایەنە پەیوەندیدارەکان کۆبوونەوە؛ لە کۆبوونەوەکەدا رێککەوتن کراوە کە نیوەی داهاتی نانەوتیی ئەم مانگە بۆ بەغدا بنێرن".
سەرچاوەکەی رووداو گوتی، ئێستا چاوەڕێی تەواوبوونی تەرازووی پێداچوونەوەی مانگی ئادار دەکرێت؛ دوای ئەوەی دەرکەوت داهاتی نانەوتی چەندە، نیوەی داهاتەکە، واتە 50%ـی دەدەنە بەغدا.
بابەتی پەیوەندیدار
کوردستان28/04/2026
وەزارەتی ئەوقاف: جەژنی قوربانی پیرۆز 26 یان 27ی ئایار دەبێت
کوردستان28/04/2026
دوو کەس لە پارێزگای ورمێ بە رووداوی هاتووچۆ گیانیان لەدەستدا
بەپێی زانیارییەکانی رووداو، خەرجکردنی مووچەی فەرمانبەرانی هەرێمی کوردستان دەکەوێتە هەفتەی داهاتوو و ئەم هەفتەیە رێکارەکان تەواو نابن.
بۆ خەرجکردنی مووچەی مانگانە، وەزارەتی دارایی عێراق ئەو مەرجانەی هەیە: لیستی مووچەی فەرمانبەران و مووچەخۆران، تەرازووی پێداچوونەوە، نووسراوێک لە وەزارەتی نەوتی عێراق لەبارەی نەوتی هەناردەکراوی هەرێمی کوردستان و 120 ملیار دینار داهاتی نانەوتی. بەڵام مانگی ئادار لەبەر جەنگ و داخستنی تەنگەی هورمز و کەمی هەناردەی نەوت، هەڵاوێرد کراوە.
رۆژی 09-03-2026، لیستی مووچەی مانگی شوبات راگەیێندرا و لە رۆژانی 10، 11 و 12ی مانگی ئادار، پارەکە خرایە سەر هەژماری مووچەخۆران.