رووداو دیجیتاڵ
بەرپرسێک لە وەزارەتی دارایی هەرێمی کوردستان رایگەیاند، تەواوی پارەی مووچە گەیشتە وەزارەتی دارایی هەرێمی کوردستان و ئەمڕۆ لیستی مووچە رادەگەیێندرێت.
رۆژی پێنجشەممە، 09ـی نیسانی 2026، بەرپرسێک لە وەزارەتی دارایی هەرێمی کوردستان بە تۆڕی میدیایی رووداوی راگەیاند: "پارەی مانگی ئاداری مووچەخۆرانی هەرێمی کوردستان کە 957 ملیار و 122 ملیۆنە گەیشتە سەر هەژماری بانکی ناوەندی".
بە گوتەی سەرچاوەکەی رووداو، ئەمڕۆ لیستی مووچەی مانگی ئادار رادەگەیێندرێت و "یەکشەممە دەست بە دابەشکردنی مووچە دەکرێت و لە ماوەی سێ رۆژ دابەش دەکرێت".
بابەتی پەیوەندیدار
کوردستان28/04/2026
وەزارەتی ئەوقاف: جەژنی قوربانی پیرۆز 26 یان 27ی ئایار دەبێت
کوردستان28/04/2026
دوو کەس لە پارێزگای ورمێ بە رووداوی هاتووچۆ گیانیان لەدەستدا
دوێنێ چوارشەممە وەزارەتی دارایی هەرێمی کوردستان رایگەیاند، "ئەمڕۆ بڕی (43،094،141،000) وەک داهاتی نانەوتی هەرێمی کوردستان بۆ مانگی ئادار بە شێوەی کاش خرایە سەر هەژماری بانکیی وەزارەتی دارایی حکومەتی فیدراڵ لە لقی هەولێری بانکی ناوەندیی عێراق".
دوایین جار رۆژی 09-03-2026، لیستی مووچەی مانگی شوبات راگەیێندرا و لە رۆژانی 10، 11 و 12ـی مانگی ئادار، پارەکە خرایە سەر هەژماری مووچەخۆران.