رووداو دیجیتاڵ
وەزارەتی پەروەردەی حکومەتی هەرێمی کوردستان دەسەڵات دەداتە ئەو قوتابخانانەی پرۆگرامی خوێندنیان تەواو کردووە، دەست بە تاقیکردنەوەکانی وەرزی دووەم بکەن بە مەرجێک 4ـی ئایار دوایین رۆژی تاقیکردنەوەکان بێت.
رۆژی یەکشەممە، 12ـی نیسانی 2026، سامان سیوەیلی، گوتەبێژی وەزارەتی پەروەردەی حکومەتی هەرێمی کوردستان بە تۆڕی میدیایی رووداوی راگەیاند: وەزارەتی پەروەردە لە یەک دوو رۆژی داهاتوودا ساڵنامەی هەموارکراوی خۆی بۆ پۆلی 9ـی بنەڕەتی و 12ـی ئامادەیی رادەگەیێنێت، هەروەها داوا لەو قوتابخانانە دەکات کە تاقیکردنەوەی 20 نمرەییان نەکردووە، کاتیان ماوە و ئێستا دەتوانن بیکەن.
لەبارەی پۆلی 12، گوتەبێژی وەزارەتی پەروەردە ئاماژەی بەوە کرد، دەسەڵات دەدرێتە ئەو قوتابخانانەی کە پرۆگرامی خوێندنیان تەواو کردووە، دەست بە تاقیکردنەوەکانی وەرزی دووەم بکەن، بەو مەرجەی 4ـی ئایار دوایین رۆژی تاقیکردنەوەکان بێت.
بابەتی پەیوەندیدار
کوردستان28/04/2026
وەزارەتی ئەوقاف: جەژنی قوربانی پیرۆز 26 یان 27ی ئایار دەبێت
کوردستان28/04/2026
دوو کەس لە پارێزگای ورمێ بە رووداوی هاتووچۆ گیانیان لەدەستدا
سامان سیوەیلی، قوتابیانی پۆلی 12ـی دڵنیا کردەوە، لەنێوان تاقیکردنەوەکانی وەرزی دووەم و تاقیکردنەوەی وەزاری، 40 رۆژیان بۆ خوێندن دەبێت و وەک هەموو ساڵێک دەبێت و پێویست بە دوو دڵی ناکات. باسی لەوەشکرد: "پرۆگرامی خوێندنی پۆلی 12 کەم ناکرێتەوە".
ئەم بڕیارانەی وەزارەتی پەروەردە دوای ئەوە دێت، کە لە 28ـی شوباتی ئەمساڵ بەهۆی جەنگی ئەمریکا و ئیسرائیل لەگەڵ ئێران، خوێندن لە هەموو ناوەندەکان وەستا و پڕۆسەی خوێندن دواکەوت؛ دوای ئاگربەستی 8ـی نیسان ئەمڕۆ یەکەم رۆژی خوێندن بوو لە قوتابخانەکان.