رووداو دیجیتاڵ
وەزارەتی دارایی و ئابووریی هەرێمی کوردستان دەڵێ، رۆژی پێنجشەممە مووچەی مانگی ئاداری مامۆستایانی گرێبەست و ئەو فەرمانبەرانەی دوای تەممووزی 2024 دامەزراون، دابەش دەکرێ.
رۆژی سێشەممە، 14ـی نیسانی 2026، وەزارەتی دارایی و ئابووریی هەرێمی کوردستان لە راگەیێندراوێکدا بڵاویکردەوە: "رۆژی پێنجشەممە، 16ـی نیسانی 2026، مووچەی مانگی ئاداری مامۆستایانی گرێبەست لە وەزارەتەکانی پەروەردە و خوێندنی باڵا دابەش دەکرێ."
بەپێی راگەیێندراوەکە، لە هەمان رۆژدا مووچەی مانگی ئاداری سەرجەم ئەو فەرمانبەرانە دابەش دەکرێ کە لە دوای 1ـی تەممووزی 2024ـەوە بەشێوەی گرێبەست و هەمیشەیی لەسەر میلاکی دامەزراوەکانی حکومەتی هەرێمی کوردستان دامەزراون.
بابەتی پەیوەندیدار
کوردستان28/04/2026
وەزارەتی ئەوقاف: جەژنی قوربانی پیرۆز 26 یان 27ی ئایار دەبێت
کوردستان28/04/2026
دوو کەس لە پارێزگای ورمێ بە رووداوی هاتووچۆ گیانیان لەدەستدا
لەبارەی سەرچاوەی دابینکردنی پارەی ئەو مووچانە، وەزارەتی دارایی ئاماژەی بەوە کردووە کە شایستە داراییەکانیان لەسەر داهاتی ناوخۆی هەرێمی کوردستان خەرج دەکرێ.
رۆژی 9ـی نیسانی 2026، وەزارەتی دارایی هەرێمی کوردستان رایگەیاند: "پارەی مانگی ئاداری مووچەخۆرانی هەرێمی کوردستان کە 957 ملیار و 122 ملیۆنە گەیشتە سەر هەژماری بانکی ناوەندی" و یەکشەممە دەست بە دابەشکردنی مووچە کراو لە سێ رۆژ مووچەی هەموو مووچەخۆران دابەشکرا.