سەرۆک بارزانی لە ساڵیادی ئەنفالدا: پێویستە لە ئاستی نێودەوڵەتی بە جینۆساید بناسرێت

لە ئەنجامی ئەو كردەوە نامرۆڤانەیەدا 182 هەزار هاووڵاتیی کورد بە بێ ئەوەی هیچ تاوانێكیان كردبێت و تەنیا لەبەر كوردبوونیانەوە بێسەروشوێن و شەهید كران. هەروەها كیمیابارانكردن، تەعریب، دەركردنی بەزۆر، گۆڕینی دیموگرافی و وێرانكردنی هەزاران گوند و هەوڵدان بۆ تێكدانی هەموو بنچینەكانی ژیان لە كوردستان، بەشێكی تری ئەو تاوانانە بوو كە حكومەتی پێشووی عێراق لەدژی گەلی كوردستان ئەنجامی داوە.