رووداو دیجیتاڵ
ئاسەواری ئەو شەپۆلە بەهێزەی باران کە بەرەبەیانیی یەکشەممە سنووری سیدەکانی گرتەوە و لافاوی لێ دروست بوو؛ ئاستی ئاوی چەم و رووبارەکان بە شێوەیەک بەرزبووەوە، هەرچی لەبەردەمیان بوو رایانماڵی.
لافاوەکە زۆرترین زیانی بە رێگاوبان گەیاندووە؛ 11 پردی گەورە و بچووکی پەڕینەوە بەتەواوی داڕماون و 63 گوندی سنوورەکە کێشەی هاتووچۆیان بۆ دروست بووە. لافاوەکە کتوپڕ و بەهێز بووە، وێڕای زیانە گەورەکەی بۆ رێگاوبان، زیانی بە پڕۆژەکانی ئاو، کارەبا، قوتابخانە و ماڵی هاونیشتمانیانیش گەیاندووە.
فەریق حوسێن، هاونیشتمانییە و دەڵێت، "کاژێر 2:30ی شەو بوو لافاو هات، کوڕە خاڵێکم بەئاگای هێنام و منی بردە ماڵی خۆی. ماڵەکەم هیچی تێدا نەماوە سوودی هەبێت؛ کەوەنتەر، راخەر و هەموو شتێک فەوتا."
رەزاق عەزیز، هاونیشتمانییە و باس لەوە دەکات، "ئەوە چەند ساڵە لافاوی لەو شێوەیەمان نەبینیوە، نە کارەبا ماوە، نە ئاو و نە رێگاوبان.
بابەتی پەیوەندیدار
کوردستان28/04/2026
وەزارەتی ئەوقاف: جەژنی قوربانی پیرۆز 26 یان 27ی ئایار دەبێت
کوردستان28/04/2026
دوو کەس لە پارێزگای ورمێ بە رووداوی هاتووچۆ گیانیان لەدەستدا
ئێستا ئێمە لەڕووی رێگەوە گەمارۆ دراوین و شتێکمان بوێت ناگەینە هیچ شوێنێک."
ئێستا تیمە خزمەتگوزارییەکان بۆ ئاساییکردنەوەی هاتووچۆ لەسەر هێڵن و قایمقامییەتیش سەرقاڵی خەمڵاندنی زیانەکانە.
ئیحسان چەلەبی، قایمقامی سیدەکانە و ئاماژە بەوە دەدات، "لە ئێستادا تیمەکان خەریکی کارکردنن بۆ ئەوەی بە زووترین کات رێگەی سیدەکان بەرەو ناحیەی کانی رەش و گوندەکانی دیکە چارەسەر بکرێت. جگە لەمەش، تۆڕەکانی کارەبا کە زیانیان بەرکەوتبوو و ببووە هۆی پچڕانی کارەبای چەند گوندێک، لە ئێستادا تیمەکان کار دەکەن بۆ ئەوەی بە زوویی کارەبا بۆ ئەو گوندانە بگەڕێتەوە."
ئەمە دووەم لافاوی وێرانکەرە لە 10 ساڵی رابردوودا ناوچەکە بگرێتەوە؛ لافاوێک کە لە چەند کاژێرێکی کەمدا هەموو شتێکی تێکدا و چاککردنەوەی شوێنەوارەکانی، کات و تێچوویەکی زۆری دەوێت.