رووداو دیجیتاڵ
ئێوارەی ئەمڕۆ بە درۆن هێرش کرایە سەر کەمپی سوورداش لە سنووری قەزای دووکان لە پارێزگای سلێمانی و ئەندامێکی سەرکردایەتیی کۆمەڵە دەڵێت، کۆگەی ئاوی کەمپەکە کراوەتە ئامانج.
کاژێر 04:00ـی دوانیوەڕۆی ئەمڕۆ دووشەممە بە درۆن هێرش کرایە سەر کەمپی کۆمەڵە لە سوورداش و ئەندامێکی سەرکردایەتیی کۆمەڵەی شۆڕشگێڕی زەحمەتکێشانی کوردستانی ئێران بە رووداوی راگەیاند، هێرشەکە بە دوو درۆن کراوە.
بابەتی پەیوەندیدار
کوردستان28/04/2026
وەزارەتی ئەوقاف: جەژنی قوربانی پیرۆز 26 یان 27ی ئایار دەبێت
کوردستان28/04/2026
دوو کەس لە پارێزگای ورمێ بە رووداوی هاتووچۆ گیانیان لەدەستدا
لەبارەی زیانەکانی هێرشەکە، ئەو ئەندامەی سەرکردایەتیی کۆمەڵە گوتی، هێرشەکە هیچ زیانێکی گیانی لێ نەکەوتووەتەوە، لەبەر ئەوەی کەمپەکە بە تەواوی چۆڵ کراوە و هیچ خێزانێکی تێدا نەماوە.
دەشڵیت، تاوەکو ئێستا درۆنی چاودێریی بە ئاسمانی سوورداش دەسووڕێتەوە کە کەمپێکی هاوبەشی بنەماڵەی پێشمەرگەکانی کۆمەڵەی شۆڕشگێڕی زەحمەتکێشانی کوردستانی ئێران و کۆمەڵەی زەحمەتکێشانی کوردستانی ئێرانە.