رووداو دیجیتاڵ
سەرۆک مەسعود بارزانی پیرۆزبایی لە سەرۆکوەزیرانی راسپێردراوی عێراق دەکات و رایدەگەیێنێت، راسپاردنی ئەو "دەرفەتێکە" بۆ گەڕاندنەوەی پڕۆسەی سیاسی بۆ سەر رێگەی دروست.
رۆژی سێشەممە، 28-04-2026، پەیوەندییەکی تەلەفۆنی لەنێوان سەرۆک مەسعود بارزانی و عەلی زەیدی، سەرۆکوەزیرانی راسپێردراوی عێراق ئەنجامدرا.
بەپێی راگەیێندراوی بارەگای بارزانی، لەو پەیوەندییە تەلەفۆنییەدا سەرۆک مەسعود بارزانی پیرۆزبایی لە عەلی زەیدی کردووە بەبۆنەی راسپاردنی بۆ پۆستی سەرۆکوەزیرانی عێراقی فیدراڵ و هیوای سەرکەوتنی بۆ خواستووە.
هەر لەو پەیوەندییە تەلەفۆنییەدا، سەرۆک بارزانی راسپاردنی عەلی زەیدی بۆ پۆستی سەرۆکوەزیران وەک "دەرفەتێک" هەژمار کردووە بۆ گەڕاندنەوەی پڕۆسەی سیاسیی عێراق بۆ سەر رێگەی دروست.