رووداو دیجیتاڵ
نووسینگەی بنیامین نەتەنیاهوو، سەرۆکوەزیرانی ئیسرائیل هەڵوێستی فەرمیی وڵاتەکەی سەبارەت بە بڕیارەکەی دۆناڵد ترەمپ بۆ راگرتنی کاتیی هێرشەکان دژی ئێران راگەیاند. ئیسرائیل پشتگیریی خۆی بۆ ئاگربەستەکە نیشاندا، بەڵام بە چەند مەرجێکی تووند و بەدەرکردنی بەرەی لوبنان.
لە راگەیێندراوەکەی نووسینگەی سەرۆکوەزیرانی ئیسرائیلدا هاتووە: "ئیسرائیل پشتگیری لە بڕیارەکەی سەرۆک ترەمپ دەکات بۆ هەڵپەساردنی هێرشە سەربازییەکان دژی ئێران بۆ ماوەی دوو هەفتە،" بەڵام ئیسرائیل جەختی کردەوە، ئەم هەنگاوە بەندە بەوەی کە "ئێران دەستبەجێ تەنگەکان (تەنگەی هورمز) بکاتەوە و هەموو هێرشەکانی بۆ سەر ئەمریکا، ئیسرائیل و وڵاتانی ناوچەکە رابگرێت."
لە پێشهاتێکی گرنگدا، ئیسرائیل هێڵی جیاکەرەوەی لە نێوان بەرەی ئێران و بەرەی لوبناندا کێشا. لە راگەیێندراوەکەدا بە راشکاوی هاتووە: "ئەم ئاگربەستە دوو هەفتەیییە ناوچەی لوبنان ناگرێتەوە.
بابەتی پەیوەندیدار
رۆژهەڵاتی نێوەڕاست29/04/2026
ناوەندی توێژینەوەی کەنداو بۆ رووداو: نزیکەی 6000 مووشەک و درۆن ئاراستەی وڵاتانی کەنداو کراون
رۆژهەڵاتی نێوەڕاست29/04/2026
سعودیە رێکاری پێدانی ڤیزا بە عێراقییەکان دەگۆڕێت و دەگەڕێتەوە بۆ سیستمی کۆن
"
ئیسرائیل جەختی لەوە کردەوە، پشتگیری لە هەوڵەکانی ئەمریکا دەکات بۆ گەرەنتیی ئەوەی کە "ئێران چیدی نەبێتە هەڕەشەیەکی ئەتۆمی، مووشەکی و تێرۆریستی بۆ سەر ئەمریکا، ئیسرائیل، دراوسێ عەرەبەکان و جیهان."
بەپێی راگەیێندراوەکەی نووسینگەی نەتەنیاهوو، ویلایەتە یەکگرتووەکانی ئەمریکا بە فەرمی ئیسرائیلی دڵنیا کردووەتەوە کە لە دانوستاندنەکانی داهاتوودا، پابەند دەبێت بە بەدیهێنانی ئەو ئامانجانەی کە واشنتن و تەلئەڤیڤ و هاوپەیمانە هەرێمییەکانیان لەسەری پێکهاتوون.
ئەم هەڵوێستەی ئیسرائیل تەنیا چەند کاژێرێک دوای ئەوە دێت کە دۆناڵد ترەمپ رایگەیاند، لەسەر داوای پاکستان، بڕیاریداوە هێرشە وێرانکەرەکانی بۆ سەر ئێران بۆ ماوەی 14 رۆژ رابگرێت تاوەکو دەرفەت بۆ چارەسەری دیپلۆماسی و واژۆکردنی رێککەوتنی ئاشتیی درێژخایەن بڕەخسێت.