رووداو دیجیتاڵ
وەزیری بازرگانیی تورکیا رایگەیاند، "تورکیا و سووریا کاردەکەن بۆ بەرزکردنەوەی قەبارەی ئاڵوگۆڕی بازرگانیی نێوانیان بۆ 5 ملیار دۆلار و دواتریش بۆ 10 ملیار دۆلار."
رۆژی سێشەممە، 7ـی نیسانی 2026، یەکەمین کۆبوونەوەی لیژنەی هاوبەشی ئابووری و بازرگانیی نێوان تورکیا و سووریا بەڕێوەچوو، هەردوولا تاوتوێی فرەچەشنکردنی چارەسەر و میکانیزمێکیان کردووە، لەوانەش رێککەوتنی بازرگانیی ئازاد بۆ زیادکردنی قەبارەی بازرگانیی نێوان.
پار قەبارەی بازرگانیی نێوان سووریا و تورکیا گەیشتە 3.7 ملیار دۆلار.
عومەر پۆڵات، وەزیری بازرگانیی تورکیا رایگەیاند: "واژۆکردنی رێککەوتنێکی هاوکاری لەنێوان سووریا و تورکیا، نەخشەڕێگەیەکی گشتگیر پێکدەهێنێت بۆ تەواوکاریی ئابووری، گەشەپێدانی هەرێمی و پرۆسەی ئاوەدانکردنەوە لەنێوان دوو وڵاتی دراوسێ و برا.
بابەتی پەیوەندیدار
رۆژهەڵاتی نێوەڕاست29/04/2026
ناوەندی توێژینەوەی کەنداو بۆ رووداو: نزیکەی 6000 مووشەک و درۆن ئاراستەی وڵاتانی کەنداو کراون
رۆژهەڵاتی نێوەڕاست29/04/2026
سعودیە رێکاری پێدانی ڤیزا بە عێراقییەکان دەگۆڕێت و دەگەڕێتەوە بۆ سیستمی کۆن
"
بۆڵات هەروەها گوتی، هەردوولا رێککەوتوون لەسەر ئاڵوگۆڕی زانیاری سەبارەت بە چوارچێوەی رێکخستن بۆ دڵنیابوون لە پێشبینیکردنی بازرگانیی کشتوکاڵی و قووڵکردنەوەی هاوکاری لە کەرتە ستراتیژییەکانی وەک چنین، کشتوکاڵ، خۆراک و ئامێرەکان.
هاوکات نیدال شەعار، وەزیری ئابووری و پیشەسازیی سووریا رایگەیاند، کارکردن لەگەڵ تورکیا لەسەر بنەمایەکی پتەو و ئەرێنی دەستیپێکردووە و هاوکاری لە بوارەکانی ئابووری، رۆشنبیری و کۆمەڵایەتیدا بەردەوامە.
شەعار گوتی، "ئێمە ئەم هاوکارییە لەسەر بنەمایەکی زۆر پتەو دادەمەزرێنین و سوورین لەسەر بەکارهێنانی هەموو توانستە ئابوورییەکان بە شێوەیەکی نموونەیی لە بەرژەوەندیی هەردوو وڵاتدا."
لە پەراوێزی یەکەم کۆبوونەوەی لیژنەی هاوبەشی ئابووری و بازرگانیی نێوان هەردوو وڵات، رێککەوتنێکی هاوکاری لەنێوان سووریا و تورکیا واژۆکرا، وەک هەنگاوێک بۆ پتەوکردنی هاوکاریی تەکنیکی و بازرگانی.