رووداو دیجیتاڵ
عەباس عێراقچی، وەزیری دەرەوەی ئێران لە کاردانەوەیەکدا بەرامبەر هەنگاوەکانی ئەم دواییەی ئەمریکا لە تۆڕی کۆمەڵایەتیی ئێکس رایگەیاند: "گەمارۆدانی بەندەرەکانی ئێران تاوانی جەنگە و پێشێلکردنی ئاگربەستە؛ بە بارمتەگرتنی ستافی کەشتیش پێشێلکارییە."
وەزیری دەرەوەی ئێران ئاماژە بەوە دەکات، ئێران دەزانێت چۆن لە بەرامبەر "چەوساندنەوە و زۆرداری بوەستێتەوە" و دەڵێ، تاران بە باشی دەزانێت چۆن مامەڵە لەگەڵ ئاستەنگەکان بکات و بەرگری لە بەرژەوەندییەکانی خۆی بکات.
ئەمە لە کاتێکدایە ترەمپ لە 12ی نیسانی 2026 گەمارۆیەکی دەریایی بۆ سەر بەندەرەکانی ئێران لە کەنداو راگەیاند.
بابەتی پەیوەندیدار
گەمارۆکە ئەو کەشتییانە دەگرێتەوە کە دەچنە بەندەرەکانی ئێران و لێیانەوە دەردەچن.
20ی نیسانی 2026 ئەمریکا رایگەیاند لە ئۆپەراسیۆنێکدا لە زەریای هیندی، دەستی بە سەر کەشتییەکی هەڵگری نەوتی خاودا گرت کە سزای لەسەرە. ئەم کەشتییە ناوی تیفانییە و وەک بەشێک لە (کەشتیگەلی سێبەر)ی ئێران دەبینرێ.
هەروەها 19ی نیسان ئەمریکا رایگەیاند، دەستی بەسەر کەشتیەکی بازرگانی ئێرانی بە ناوی تووسکای لە دەریای عومان گرتووە.