رووداو دیجیتاڵ
وەزارەتی خوێندنی باڵا و توێژینەوەی زانستیی عێراق، بە فەرمی دەستپێکردنی پرۆسەی پێشکێشکردنی ئەلیکترۆنی بۆ خوێندنی باڵا (دکتۆرا، ماستەر و دبلۆم) بۆ ساڵی خوێندنی 2025-2026 راگەیاند و کۆتایی مانگی داهاتوو تاقیکردنەوە دەکرێت.
د. حەیدەر عەبوودی، گوتەبێژی وەزارەتی خوێندنی باڵا و توێژینەوەی زانستیی عێراق یەکشەممە، 10ـی ئایاری 2026، بە تۆڕی میدیایی رووداوی راگەیاند، پرۆسەی پێشکێشکردن لە ئەمڕۆوە دەستپێدەکات و تاوەکو 11ـی حوزەیرانی 2026 بەردەوام دەبێت، ئەمەش بەپێی ئەو رێنمایی و مەرجانەی بۆ وەرگرتن دیاریکراون.
بابەتی پەیوەندیدار
لەبارەی ژمارەی کورسی و بەشەکان، گوتەبێژی وەزارەتەکە روونیکردەوە: "کۆی گشتی ئەو پرۆگرامانەی بۆ خوێندنی باڵا تەرخانکراون بریتین لە 2577 پرۆگرامی جیاواز لە پسپۆڕییە زانستی و مرۆییەکان، ئاستەکانی دکتۆرا، ماستەر و دبلۆمی باڵا دەگرێتەوە."
وەزارەتی خوێندنی باڵای عێراق داوا لە خوازیاران دەکات مەرجەکانی پێشکێشکردن جێبەجێ بکەن و ئامادەکاری تەواو بکەن بۆ تاقیکردنەوەی توانست (تاقیکردنەوەی پێشبڕکێ)، کە بڕیارە رۆژی سێشەممە 30ـی حوزەیرانی 2026 بکرێت.