رووداو دیجیتاڵ
ئەحمەد شەرع، سەرۆکی قۆناخی راگوزەری سووریا، نەخشەڕێگەی کۆتاییهێنان بە هێزە چەکدارە جیاوازەکان و کشانەوەی تەواوەتیی هێزە بیانییەکان لە وڵاتەکەی رادەگەیێنێت.
شەرع لەبارەی وردەکاریی ئەو رێککەوتنەی کە مشتومڕێکی زۆری لەسەر بوو، ئاماژەی بەوە کرد پرۆسەکە بە چەند قۆناخێکی هەوراز و نشێودا تێپەڕیوە. سەرەتای رێککەوتنەکە بۆ 10ـی ئاداری 2025 دەگەڕێتەوە، هەرچەندە لە چەند وێستگەیەکدا وەکو ئۆکتۆبەری ساڵی رابردوو و کانوونی دووەمی ئەم ساڵ، هەڵکشانی سەربازی و کێشەی پابەندبوون هاتنە پێش، بەڵام دواجار بە نێوەندگیریی ئەمریکا، رێککەوتنێکی گشتی واژۆ کرا.
سەرۆکی قۆناخی راگوزەری سووریا دەڵێت: "رێککەوتن کراوە لەسەر تێکەڵکردنەوەی هەسەدە و کۆتاییهێنان بە هەسەدە؛ ئەوان دەبنە بەشێک لە پێکهاتەی دەوڵەتی سووریا، هەرچەندە زەحمەتی هەبوون، بەڵام پرۆسەکە ئێستا بە باشی دەڕوات.
بابەتی پەیوەندیدار
"
شەرع باس لە کشانەوەی تەواوی سەرباز و نەمانی بنکەکانی هاوپەیمانان دەکات و دەڵێت دوێنێ دوایین ئۆتۆمبێلی سەربازیی ئەمریکا لە خاکی سووریا چووە دەرەوە و ئێستا باکووری رۆژهەڵاتی سووریا هیچ بنکەیەکی ''بیانی'' لێ نییە.
سەرۆکی قۆناخی راگوزەری سووریا، لەبارەی قۆناخی داهاتووی وڵاتەکەی رایگەیاند: "سووریا پێویستی بە ململانێی ناوخۆیی نوێ نییە، ئەو پێی وایە هەموو لایەنەکان گەیشتوونەتە ئەو بڕوایەی بەرەو "یەکگرتوویی خاکی سووریا و سەقامگیری" هەنگاو بنێن.