رووداو دیجیتاڵ
ماڵپەڕی داتای 'رووداو و شوێنی پێکدادانە چەکدارییەکان' (ACELD) کە نەتەوە یەکگرتووەکان و رێکخراوە نێودەوڵەتییەکانی دیکە پشت بە ئامارەکانی دەبەستن لە راپۆرتێکدا دەڵێت، پار لە جیهاندا دوو هەزار و 653 هێرش کراوەتە سەر بەرپرسانی حکومی، زۆرترینیان لە مەکسیک، هیندستان و میانمار بوون. هەروەها، 36 هێرشیان لە سووریا، 13یان لە عێراق و پێنجیان لە هەریەک لە وڵاتانی ئێران و تورکیا بوون.
ماڵپەڕەکە لە ئامارەکەیدا دەڵێت، لە نێوان ساڵانی 2019 بۆ 2024دا، لانیکەم 13 هەزار و 900 رووداوی هێرشکردنە سەر بەرپرسانی حکومیمان لە جیهاندا تۆمارکرد، تەنیا پار دوو هەزار و 653 رووداوی هاوشێوەیەیان تۆمارکرد.
بە گوێرەی راپۆرتەکە، پار زۆرترین هێرش لە مەکسیک کرایە سەر بەرپرسانی حکومی.
ئەو وڵاتانەی زۆرترین هێرشیان تێدا کراوەتە سەر بەرپرسانی حکومی:
مەکسیک: 324 هێرش
هیندستان: 209 هێرش
میانمار: 186 هێرش
نەیجیریا: 141 هێرش
ئیندۆنیزیا: 121 هێرش
لەنێو وڵاتانی رۆژهەڵاتی نێوەڕاستدا زۆرترین هێرش لە سووریا کراوە.
بابەتی پەیوەندیدار
لەو وڵاتە 36 هێرشکرایە سەر بەرپرسانی حکومی.
ریزبەندی وڵاتانی رۆژهەڵاتی نێوەڕاست:
سووریا: 36 هێرش
لوبنان: 17 هێرش
عێراق: 13 هێرش
لیبیا: 7 هێرش
ئێران: 5 هێرش
تورکیا: 5 هێرش
ئیسرائیل: 3 هێرش