رووداو دیجیتاڵ
سوپای ئیسرائیل رایگەیاند، بەرپرسی ئۆپەراسیۆنەکانی هەواڵگری حەماسیان لە کەرتی غەززە کوشتووە، کە بە گوتەی سوپاکە یەکێک بووە لە پلانداڕێژەرانی هێرشەکەی رۆژی 7ی تشرینی یەکەمی ساڵی 2023 بۆ سەر ئیسرائیل.
رۆژی چوارشەممە، 29ی نیسان، سوپای ئیسرائیل لە ئێکس بڵاویکردەوە، ئەیاد ئەحمەد عەبدولرەحمان شەمبەری، سەرۆکی بەشی ئۆپەراسیۆنەکان لە هەواڵگریی سەربازیی حەماسمان" کوشت؛ دەشڵێت، ئەو کەسە خەریکی کۆکردنەوەی زانیاریی هەواڵگری بوو لەسەر هێزەکانی سوپای ئیسرائیل بە مەبەستی ئاراستەکردن و جێبەجێکردنی پلانی هێرشکردنە سەر هێزەکانی سوپای ئیسرائیل.
بە گوێرەی سوپای ئیسرائیل، ئەیاد لە ئۆپەراسیۆنێکی ئاسمانیدا کوژراوە کە دوێنێ کرایە سەر باشوور کەرتی غەززە.
بابەتی پەیوەندیدار
رۆژهەڵاتی نێوەڕاست13/05/2026
لە بۆردوومانێکی نوێی ئیسرائیل دا بۆ سەر لوبنان 8 کەس کوژران
رۆژهەڵاتی نێوەڕاست12/05/2026
دوای زیاتر لە 2800 هێرش؛ ئیمارات وەڵامی سەربازیی ئێرانی دایەوە
سوپای ئیسرائیل لە راگەیێندراوەکەیدا ئاماژەی بەوەش کرد، ئەیاد، بەشدارییەکی چالاکانەی هەبوو لە پلاندانان بۆ هێرشەکەی حەماس بۆ سەر ئیسرائیل لە حەوتی ئۆکتۆبەردا.
رۆژی 7ی تشرینی یەکەمی 2024، حەماس هێرشیکردە سەر ئیسرائیل و دواتر ئەویش بە بۆردوومان و هێرشی زەوینی وەڵامیدانەوە.
بە گوێرەی بەرپرسانی ئیسرائیل، لە هێرشەکەدا لانیکەم هەزار و 130 کەس کوژران و 250 کەسی دیکەش بە بارمتە گیران. بە گوێرەی تەندروستی غەززەش، لە هێرشەکانی ئیسرائیلدا لانیکەم 73 هەزار کەس کوژران و 172 هەزار کەسی دیکەش بریندار بوون.