رووداو دیجیتاڵ
سەرۆکی هەرێمی کوردستان لە ئەبووزەبی لەگەڵ سەرۆکی ئیمارات کۆبووەوە و پەرەسەندنەکانی ناوچەکە و پەیوەندییەکانی نێوان هەردوولایان تاوتوێ کرد.
رۆژی پێنجشەممە، 30-04-2026، نێچیرڤان بارزانی، سەرۆکی هەرێمی کوردستان لە هەژماری فەرمیی خۆی لە تۆڕی کۆمەڵایەتیی ئێکس، ئاماژەی بە دیدارەکەی لەگەڵ محەممەد بن زاید ئال نەهیان کرد و رایگەیاند: "بە دیداری برام خاوەنشکۆ شێخ محەممەد بن زاید ئال نەهیان، سەرۆکی دەوڵەتی ئیماراتی یەکگرتووی عەرەبی لە ئەبووزەبی خۆشحاڵ بووم."
سەبارەت بە نێوەڕۆکی کۆبوونەوەکە، سەرۆکی هەرێمی کوردستان ئاماژەی بەوە کردووە، باسیان لە دۆخی پەیوەندییەکانی عێراق و هەرێمی کوردستان لەگەڵ دەوڵەتی ئیمارات کردووە. هەروەها هەردوولا بیروڕایان لەبارەی لێکەوتەکانی پەرەسەندنی رووداوەکانی ناوچەکە گۆڕیوەتەوە.
محەممەد بن زاید ئال نەهیان، سەرۆکی ئیمارات بە گەرمی پێشوازی لە نێچیرڤان بارزانی، سەرۆکی هەرێمی کوردستان کرد و گفتوگۆیەکی دۆستانەیان کرد.
— Rudaw (@Rudawkurdish) April 30, 2026
نێچیرڤان بارزانی دەڵێت، باسمان له دۆخى پەیوەندییەکانی نێوان عێراق، هەرێمی کوردستان و ئیمارات كرد و سەبارەت بە لێکەوتەکانی پەرەسەندنی رووداوه… pic.twitter.com/J2k9RcbQHO
لە بەشێکی دیکەی دیدارەکەدا، نێچیرڤان بارزانی و شێخ محەممەد بن زاید جەختیان لە گرنگیی بەهێزکردنی هاوکارییە نێودەوڵەتی و هەرێمییەکان کردووەتەوە، بە ئامانجی چەسپاندنی زیاتری سەقامگیری و ئاسایش لە تەواوی ناوچەکەدا.
وێنە؛ کۆبوونەوەی نێچیرڤان بارزانی، سەرۆکی هەرێمی کوردستان لەگەڵ محەممەد بن زاید ئال نەهیان، سەرۆکی ئیمارات. لە دیدارەکە رووداوەکانی ناوچەکە و پەیوەندییەکانی نێوان هەرێمی کوردستان و ئیماراتیان تاوتوێ کرد pic.twitter.com/oA3Umh0o30