بەرنامەی دکتۆر ئاراس؛ ئەو خانمانەی سەروو 30 ساڵن ئەگەری دووگیانبوونیان بە دووانە زۆرە

د. شەنە پشتیوان، پسپۆڕی نەخۆشییەکانی خانمان و منداڵبوون دەڵێت: کە دایک و باوک داوای دروستبوونی منداڵی دووانە دەکەن، ئێمە پێشنیازیان بۆ ناکەین، چونکە مەترسیی زۆرە، بەڵام ئەگەریش هەر ویستیان لەسەر بێت ئەوا رێگەی سرووشتی هەیە بۆ ئەوە وەکو؛ 

- خواردنی خۆراکە شیرینەکان.

- بەکارهێنانی تەواوکەرە خۆراکییەکان وەکو فۆڵیک ئەسید.

- پەیڕەوکردنی شێوازی ژیانی تەندروست پێش دووگیانی.

دکتۆر هێڤین حەمەئەمین، پزیشکی دەرمانساز باسی دەرمانەکان دەکات کە ئەگەری دروستبوونی منداڵی دووانە زیاد دەکەن و دەڵێت: دەخورێن یاخود بەشێوەی دەرزی بەکاردەهێندرێن، کە هاندانی دروستبوونی هێلکە زیاد دەکەن و هێلکەدان چالاک دەکەن.

بەڵام د. شەنە پشتیوان و دکتۆر هێڤین حەمەئەمین هاونیشتمانییان هۆشیار دەکەنەوە لەوەی کە نابێت بەبێ راوێژی پزیشک ئەو دەرمانانە بەکاربێن، چونکە ئەوانە بۆ مەبەستی دیکەن و کاریگەرییە لاوەکییەکانیان ئەگەری دروستبوونی منداڵە دووانە زیاد دەکەن.

ئایا دووانەکان بە جووڵەی چاو لەیەکدی تێدەگەن؟ ئایا دووانەکان بیری یەکدی دەخوێننەوە؟