رووداو - تەندروستی
وەزیری تەندروستیی ئیسپانیا لە نوێترین لێدوانیدا رایدەگەیێنێت، ئێستا بە فڕۆکە ئەو ئیسپانیانەی لەنێو کەشتیی گەشتیاریی (MV Hondius) بوون، گوازرانەوە مەدرید و لەوێ لە نەخۆشخانەی ناوەندیی گۆمێز ئولا کەرەنتین دەکرێن.
مۆنیکا گارسیا، وەزیری تەندروستیی ئیسپانیا دەڵێت: هەموو ئیسپانییەکانی نێو کەشتییەکە بێ نیشانە بوون، بەڵام پێویستیان بە کەرەنتین هەیە بۆ دڵنیابوونەوە لە ئەگەری دەرکەوتنی نیشانەکان لە رۆژانی داهاتوو و باشتر چاودێریکردنیان.
بەگوتەی مۆنیکا گارسیا، گەشتیارەکانی دیکەش لە فەرەنسا، کەنەدا، هۆڵەندا، بەریتانیا، تورکیا و ئێرلاند و ئەمریکاوە دێن بە شوێنیاندا و دەبرێنەوە وڵاتی خۆیان.
بابەتی پەیوەندیدار
د. تێدرۆس ئادهانۆم، سەرۆکی رێکخراوی تەندروستیی جیهانی دەڵێت: هیوادارین هەموو شتێک بەو شێوەیە بێت کە پلانمان بۆ داناوە بۆ ئەوەی پەتایەکی دیکەی جیهانی دووبارە نەبێتەوە.
نوێترین لێدوانی وەزیری تەندروستیی ئیسپانیا و سەرۆکی رێکخراوی تەندروستیی جیهانی لە بەندەری باشووری تێنێریف بوو.