رووداو دیجیتاڵ
شەوی پێنجشەممە، دەنگی تەقینەوە لە تارانی پایتەختی ئێران بیسترا. میدیاکانی ئەو وڵاتەش رایانگەیاند، سیستەمی بەرگریی ئاسمانی بۆ بەرپەرچدانەوەی چەند "فڕۆکەیەکی بچووک و درۆنێکی سیخوڕی" چالاک کراوە.
ئاژانسەکانی هەواڵی تەسنیم) و فارس بڵاویانکردەوە: "دەنگی چالاکبوونی بەرگریی ئاسمانی لە هەندێک ناوچەی تاران بیستراوە. هێشتا روون نییە کە ئایا ئەو دەنگە پەیوەندیی بە تاقیکردنەوەی بەرگرییەوە هەیە یان بۆ بەرپەرچدانەوەی 'درۆنی سیخوڕی' بووە لە ئاسمانی تاراندا."
دواتر ئەو ئاژانسانە ئاماژەیان بەوە کرد کە راپۆرتە سەرەتایییەکان پشتڕاستیان کردووەتەوە سیستەمەکان بۆ "بەرپەرچدانەوەی فڕۆکەی بچووک و درۆنی نەناسراو" کارا کراون، بێ ئەوەی وردەکاریی زیاتر بخەنە روو.
بابەتی پەیوەندیدار
میدیاکانی ئێران راشیانگەیاند: "دەنگی بەرگریی ئاسمانی دوای نزیکەی 20 خولەک لە چالاکی و بەرپەرچدانەوەی فڕۆکە بچووکەکان وەستا."
بەگوێرەی ئاژانسەکانی هەواڵ، دۆخی تاران "ئاساییە" و هیچ مەترسییەک نەماوە.